ସଂସ୍କାର : ସାଉଥ୍ ର ସୁପର ଷ୍ଟାର୍ ଅଲୁ ଅର୍ଜୁନ ଆଉ ଅଭିନେତ୍ରୀ ରଶ୍ମିକା ମନ୍ଦନାଙ୍କ ଅଭିନୀତ ଚଳଚ୍ଚିତ୍ର ‘ପୁଷ୍ପା ଦି ରାଇଜ୍’ ସମଗ୍ର ବିଶ୍ୱରେ ଚାଞ୍ଚଲ୍ୟ ସୃଷ୍ଟି କରିଛି। ଲୋକମାନେ ଏହି ମୁଭିର ଗୀତରେ ନୃତ୍ୟ କରି ସୋସିଆଲ ମିଡିଆରେ ଭିଡିଓ ସେୟାର କରୁଛନ୍ତି। ଏହାରି ମଧ୍ୟରେ ବର୍ତ୍ତମାନ ରାନୁ ମଣ୍ଡଳଙ୍କ ନାମ ମଧ୍ୟ ଏହି ତାଲିକାରେ ଅନ୍ତର୍ଭୁକ୍ତ ହୋଇଛି। ସୋସିଆଲ ମିଡିଆରେ ରାନୁ ମଣ୍ଡଳର ଏକ ଭିଡିଓ ଭାଇରାଲ ହେବାରେ ଲାଗିଛି ଯେଉଁଥିରେ ସେ ଅଲୁଙ୍କ ପୁଷ୍ପା ଫିଲ୍ମର ‘ଶ୍ରୀବଲି’ ଗୀତରେ ନାଚୁଥିବାର ନଜର ଆସିଛନ୍ତି। ଆଉ ଏହି ଗୀତରେ ଭିଡିଓ କରିବା ଯୋଗୁଁ ସେ ପୁଣି ଥରେ ଟ୍ରୋଲର ଶିକାର ହୋଇଛନ୍ତି।
ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଭିଡିଓରେ ରାନୁ ଶ୍ରୀବଲିଙ୍କ ଗୀତରେ ନାଚୁଥିବାର ନଜର ଆସିଛନ୍ତି। ତେବେ ସୋସିଆଲ ମିଡିଆ ବ୍ୟବହାରକାରୀମାନେ ରାନୁଙ୍କର ଏହି ଭିଡିଓ ଉପରେ ସେମାନଙ୍କର ମତାମତ ଦେଉଛନ୍ତି। ଏଥିରେ ରାନୁଙ୍କର ନାଚ ଦେଖି ଲୋକମାନେ ନିଜର ହସକୁ ରୋକି ପାରି ନାହାନ୍ତି। ଏହା ସହିତ ରାନୁଙ୍କୁ ମଧ୍ୟ ଟ୍ରୋଲ କରିବାରେ ପଛାଇ ନାହାନ୍ତି ୟୁଜର।
ଲୋକମାନେ ରାନୁଙ୍କ ଏହି ଭିଡିଓକୁ ଅଧିକ ପସନ୍ଦ କରି। ନାହାନ୍ତି। ସୋସିଆଲ ମିଡ଼ିଆ ୟୁଜରମାନେ ରାନୁଙ୍କୁ ଜବରଦସ୍ତ ଟ୍ରୋଲ୍ କରୁଛନ୍ତି। ଜଣେ ୟୁଜର ଲେଖିଛନ୍ତି ଯେ, ରାନୁ ଫେମସ୍ ହେବା ପାଇଁ କିଛି ବି କରିପାରିବେ। ଅନ୍ୟ ଜଣେ ଲେଖିଛନ୍ତି, ଅନେକ ଲୋକ ଅଯଥା ଭିଡିଓ କରି ଟଙ୍କା ରୋଜଗାର କରୁଛନ୍ତି। ଆଉ ଜଣେ ଲେଖିଛନ୍ତି, “ଏହି କଣ ଥଟ୍ଟା ଚାଲିଛି, କେହି ୟାଙ୍କୁ ଚିକିତ୍ସା ଡାକ୍ତର ଦେଖାନ୍ତୁ।
ସୂଚନାଯୋଗ୍ୟ ଯେ, କିଛି ଦିନ ତଳେ ରାନୁ ଟ୍ରେଣ୍ଡ ରେ ଥିବା “କଚ୍ଚା ବାଦାମ” ଗୀତ ଗାଇ ଟ୍ରେଣ୍ଡ ରେ ଥିଲେ । ତେବେ ରାନୁ ପଶ୍ଚିମବଙ୍ଗ ର ଚୀନା ବାଦାମ ବିକ୍ରେତା “ଭୁବନ ବିଦ୍ୟାକର” ଙ୍କର “କଚ୍ଚା ବାଦାମ” ଗୀତ କୁ ଗାଇ ଭିଡିଓ ସେୟାର କରିଥିଲେ । ଆଉ “କଚ୍ଚା ବାଦାମ” ଗୀତରେ ବି ରାନୁ ସୋସିଆଲ ମିଡ଼ିଆ ୟୁଜରଙ୍କର ଟ୍ରୋଲର୍ ଶିକାର ହୋଇଥିଲେ।
