ରାକ୍ଷୀର ମୂଲ ରଖିଲାନି ଭାଇ । ଭାଇଉଭଣୀ ଭଳି ପବିତ୍ର ସମ୍ପର୍କରେ କଳଙ୍କ ଲଗାଇଦେଲା ସୁନ୍ଦରଗଡ଼ ଜିଲ୍ଲା କୋଇଡ଼ା ବ୍ଲକ ପାଟମୁଣ୍ଡା ପଞ୍ଚାୟତର କଦମଡ଼ିହି ଗାଁର ଜଣେ ନାବାଳକ । ମାସ ମାସ ଧରି ନାବାଳିକା ଭଉଣୀ ସହିତ ରଖୁଥିଲା ଯୌନ ସମ୍ପର୍କ । ଘଟଣା ପ୍ରଘଟ ହେଲା ସେତେବେଳେ ଯେବେ ନାବାଳିକା ଜଣକ ଗର୍ଭବତୀ ହେଲେ ଯଦିଓ ଅଭିଯୁକ୍ତ ଏବେ ପୋଲିସ ହାଜତରେ ।
ଘଟଣାଟି ଏହିପରି । କଦମଡ଼ିହି ଗାଁରେ ଜଣେ ନାବାଳକ ନିଜ ଦାଦାଙ୍କ ଝିଅ ନାବାଳିକାକୁ ଗତ ଦୁଇ ମାସ ହେବ ଶାରୀରିକ ସମ୍ପର୍କ ରଖି ଆସୁଥିଲେ । ଘଟଣା ସେତେବେଳେ ସାମ୍ନାକୁ ଆସିଲା ଯେବେ ଝିଅର ଋତୁସ୍ରାବ ଅଚାନକ ବନ୍ଦ ହେଲା । କାହିଁକି ଏମିତି ହେଲା ପ୍ରଶ୍ନ ପଚାରିବାରୁ ପୀଡ଼ିତା ସବୁ ବଖାଣିଲା ।
ପରିବାର ଘଟଣା ବିଷୟରେ ଅବଗତ ହେଲା ପରେ ମାମଲା ଗଲା ଥାନାକୁ । କିନ୍ତୁ ସେତେବେଳକୁ ବହୁତ ଡେରି ହେଇସାରିଥିଲା । ପୀଡ଼ିତା ଦୁଇ ମାସର ଗର୍ଭବତୀ ହୋଇସାରିଥିଲେ । ପୀଡ଼ିତା ଅଭିଯୋଗ ଅନୁଯାୟୀ ଗତ ଦୁଇ ମାସ ହେବ ବଡ଼ବାପାଙ୍କ ପୁଅ, ଭାଇ ରାତିରେ ଜୋରଜବରଦସ୍ତ ତାଙ୍କ ସହିତ ଶାରୀରିକ ସମ୍ପର୍କ ରଖୁଥିଲେ । ସବୁଠାରୁ ବଡ଼ କଥା ଯେ ସେ ପୀଡ଼ିତାକୁ ଧମକ ଦେଇଥିଲେ ଯେ ଯଦି ଏନେଇ କାହାକୁ ସେ କୁହେ ତେବେ ତାକୁ ହତ୍ୟା କରିବେ ।
ତେବେ ସୂଚନା ଅନୁଯାୟୀ ପୋଲିସ ଏନେଇ ଏକ ମାମଲା ରୁଜୁ କରିଛି ଏବଂ ଅଭିଯୁକ୍ତ ନାବାଳକକୁ ଧରି ବାଳ ସୁଧାର ଗୃହକୁ ପଠାଇ ଦେଇଛି ।
