ଭାରତୀୟ ଦଳ ଦକ୍ଷିଣ ଆଫ୍ରିକା ଗସ୍ତରେ କିନ୍ତୁ ଏହି ଯାତ୍ରା ଆରମ୍ଭ ପୂର୍ବରୁ ଏଭଳି ଗୁଜବ ବନ୍ଦ ହେବା ଭଳି ମନେ ହେଉନାହିଁ। ଏହାପୂର୍ବରୁ ବିରାଟ କୋହଲି ଏବଂ ରୋହିତ ଶର୍ମା ବିବାଦ ଏବଂ ପରେ ଅଲରାଉଣ୍ଡର ରବିନ୍ଦ୍ର ଜାଡେଜାଙ୍କ ଟେଷ୍ଟ ଫର୍ମାଟରୁ ଅବସର ନେଇଥିବା ଖବର ପ୍ରଶଂସକଙ୍କୁ ଚକିତ କରି ଦେଇଥିଲା।
କିନ୍ତୁ ବର୍ତ୍ତମାନ ଜାଡେଜା ନିଜେ ଏହି କଳ୍ପନାଜଳ୍ପନାକୁ ଖଣ୍ଡନ କରିଛନ୍ତି। ଜାଡେଜା ସୋସିଆଲ ମିଡିଆ ପୋଷ୍ଟ ମାଧ୍ୟମରେ ସେହି ସମସ୍ତ କୁ ଶକ୍ତ ଚାପୁଡ଼ା ମାରିଛନ୍ତି ଯାହା ଟେଷ୍ଟ ଫର୍ମାଟରୁ ଅବସର ନେଇଥିବାର ଖବର ପ୍ରସାରଣ କରୁଥିଲେ।
ଜାଡେଜା ତାଙ୍କ ଅଫିସିଆଲ୍ ଟ୍ୱିଟର ଆକାଉଣ୍ଟରୁ ଗୋଟିଏ ପରେ ଗୋଟିଏ ପୋଷ୍ଟ କରି ଅବସର ଖବର ପ୍ରଚାର କରିଥିଲେ। ସେ ତାଙ୍କର ପ୍ରଥମ ପୋଷ୍ଟରେ ଲେଖିଛନ୍ତି, ‘ମିଥ୍ୟା ବନ୍ଧୁମାନେ ଗୁଜବ ଉପରେ ବିଶ୍ୱାସ କରନ୍ତି, ଯେତେବେଳେ ପ୍ରକୃତ ବନ୍ଧୁମାନେ ଆପଣଙ୍କ ଉପରେ ବିଶ୍ୱାସ କରନ୍ତି ।’ ଏହା ପରେ ଜାଡୁ ଟେଷ୍ଟ ଜର୍ସିରେ ଏକ ଚିତ୍ର ଟ୍ୱିଟ କରି ଲେଖିଛନ୍ତି, ‘ଯିବାକୁ ବହୁତ ଦୂର ବାଟ ଅଛି।’
ଜାଡେଜାଙ୍କ ସୋସିଆଲ ମିଡିଆ ପୋଷ୍ଟ ଦେଖିବା ପରେ ଏହା ସ୍ପଷ୍ଟ ହୋଇଛି ଯେ ସେ ଟେଷ୍ଟ କ୍ରିକେଟ୍ ଛାଡିବାକୁ ଜମାରୁ ଇଛା ପ୍ରକାଶ କରୁନାହାଁନ୍ତି। ବର୍ତମାନ ଟିମ୍ ଇଣ୍ଡିଆ ତାଙ୍କୁ ଦକ୍ଷିଣ ଆଫ୍ରିକା ଗସ୍ତରେ ନିଶ୍ଚିତ ମିସ୍ କରିବ ଏବଂ ରୋହିତ ଶର୍ମାଙ୍କୁ ମଧ୍ୟ ବିରାଟ ସେନା ମିସ୍ କରିବ।
