ସଂସ୍କାର : ପରିବେଶ ପ୍ରଦୂଷିତ ହେବା ପଛରେ ପ୍ଲାଷ୍ଟିକର ପ୍ରଭାବକୁ ରୋକିବା ପାଇଁ ସରକାର ସାରାଦେଶରେ ଏହାର ବ୍ୟବହାର ଉପରେ ପ୍ରତିବନ୍ଧକ ଲଗାଇଛନ୍ତି। ସରକାରଙ୍କ ଏହି ନିଷ୍ପତ୍ତି ପରେ ପ୍ଲାଷ୍ଟିକରେ ନିର୍ମିତ ଅନେକ ଜିନିଷର ବିକ୍ରି ମଧ୍ୟ ଧୀରେ ଧୀରେ ବନ୍ଦ ହୋଇଯିବ। କଟକଣା ଲଗାଯାଇଥିବା କେନ୍ଦ୍ର ପରିବେଶ ମନ୍ତ୍ରଣାଳୟ ପକ୍ଷରୁ ଏକ ତାଲିକା ପ୍ରକାଶ ପାଇଛି ।
ଏକକ ବ୍ୟବହାର ପ୍ଲାଷ୍ଟିକ ବ୍ୟବହାର ଉପରେ ପ୍ରତିବନ୍ଧକ ଲଗାଇଲେ ଏହାର ଆବର୍ଜନା ପରିମାଣ ହ୍ରାସ ପାଇବ ବୋଲି କେନ୍ଦ୍ରରେ ଥିବା ମୋଦି ସରକାର ବିଶ୍ୱାସ କରନ୍ତି। କାରଣ ଏକକ ବ୍ୟବହାର କରାଯାଉଥିବା ପ୍ଲାଷ୍ଟିକର ପୁର୍ନବ୍ୟବହାର କରିବା କଷ୍ଟକର ହୋଇଥାଏ। ଏହାର ଅଧିକାଂଶ ଅଂଶ କୌଣସି ରୂପରେ ପରିବେଶକୁ ଫେରିଯାଏ, ଯାହା ପରିବେଶର ଅନେକ ଉପାୟରେ କ୍ଷତି କରିଥାଏ ।
ଏହାକୁ ଲକ୍ଷ୍ୟ ରଖି ଏକ ତାଲିକା ପ୍ରଦାନ କରିବା ସହିତ କେନ୍ଦ୍ର ପରିବେଶ ମନ୍ତ୍ରଣାଳୟ ମଧ୍ୟ ଏହାକୁ କଡ଼ାକଡ଼ି ଭାବେ କାର୍ଯ୍ୟକାରୀ କରିବାକୁ ନିର୍ଦ୍ଦେଶ ଦେଇଛନ୍ତି। ପ୍ଲାଷ୍ଟିକ ବ୍ୟବହାର କରୁଥିବା ବ୍ୟକ୍ତିଙ୍କ ବିରୋଧରେ ଆଇନଗତ କାର୍ଯ୍ୟାନଷ୍ଠାନ ଗ୍ରହଣ କରାଯିବ। ଏହାସହିତ ଆଇନ ଉଲ୍ଲଂଘନକାରୀଙ୍କୁ କାରାଦଣ୍ଡ ଦିଆଯିବା ସହିତ ୧ ଲକ୍ଷ ଟଙ୍କା ଜରିମାନା ମଧ୍ୟ ଦେବାକୁ ପଡ଼ିବ
ତେବେ ଆସନ୍ତୁ ଜାଣିବା ପ୍ରତିବନ୍ଧକ ଲଗାଯାଇଥିବା ପ୍ଲାଷ୍ଟିକରେ ନିର୍ମିତ ଉତ୍ପାଦଗୁଡ଼ିକ କ’ଣ କ’ଣ ?
ପ୍ଲାଷ୍ଟିକ ବ୍ୟାଗ, ଇୟର ବଡ଼, ବେଲୁନ ପାଇଁ ଆଇସକ୍ରିମ ଷ୍ଟିକ, ପ୍ଲାଷ୍ଟିକ ପତାକା, କ୍ୟାଣ୍ଡି ଷ୍ଟିକ, ଥର୍ମୋକଲ, ପ୍ଲାଷ୍ଟିକ ପ୍ଲେଟ, ପ୍ଲାଷ୍ଟିକ କପ, ପ୍ଲାଷ୍ଟିକ ଗ୍ଲାସ, ପ୍ଲାଷ୍ଟିକ ହୁକ୍, ପ୍ଲାଷ୍ଟିକ ଚାମଚ, ଛୁରୀ, ଷ୍ଟ୍ର, ପ୍ଲାଷ୍ଟିକ ଟ୍ରେ, ସିଗାରେଟ ପ୍ୟାକେଟ, ଷ୍ଟିରର ଇତ୍ୟାଦି । ଅନ୍ୟପକ୍ଷରେ ମନ୍ତ୍ରଣାଳୟ ପକ୍ଷରୁ ବର୍ତ୍ତମାନ ଏଫଏମସିଜି କ୍ଷେତ୍ରକୁ ଏହି ପ୍ରତିବନ୍ଧକରୁ ମୁକ୍ତ କରାଯାଇଛି ।
