LPG ଉପଭୋକ୍ତାଙ୍କ ପାଇଁ ଖୁସି ଖବର । ଗତ କିଛି ମାସ ହେବ LPG ଗ୍ୟାସ ସିଲିଣ୍ଡରର ଦାମ କ୍ରମାଗତ ଭାବେ ବଢୁଥିଲା । ହେଲେ ଏବେ ୫୦ ଟଙ୍କା କମ ଦରରେ ଉପଭୋକ୍ତାମାନେ ପାଇପାରିବେ ଗ୍ଯାସ ସିଲିଣ୍ଡର । ଆସନ୍ତୁ ଜାଣିବା କେଉଁ ଉପାୟରେ ଆପଣ ନିଜ ଗ୍ଯାସ ବୁକିଂ କଲାବେଳେ ୫୦ ଟଙ୍କା ରିହାତି ପାଇପାରିବେ ।
ଅନଲାଇନ୍ ପ୍ଲାଟଫର୍ମ ବ୍ୟବହାର କରି ତ ଯେକେହି ଗ୍ୟାସ ବୁକିଂ କରିଥାନ୍ତି । ହେଲେ ଯଦି ଆପଣ ଆମାଜନ ପେ’ ଜରିଆରେ ଗ୍ୟାସ୍ ବୁକ୍ କରିବେ, ତେବେ ଆପଣ ତୁରନ୍ତ ୫୦ ଟଙ୍କା ଫେରିପାଇବେ । ସୂଚନା ଅନୁଯାୟୀ ଗ୍ଯାସ ସିଲିଣ୍ଡର ଯେକୌଣସି କମ୍ପାନୀର ହୋଇପାରେ । ଇଣ୍ଡେନ ଗ୍ୟାସ, ଭାରତ ଗ୍ୟାସ, ଏଚପି ଗ୍ୟାସ ଯେକୌଣସି କମ୍ପାନୀର ଗ୍ୟାସ ସିଲିଣ୍ଡର ଆପଣ ବୁକ୍ କରିପାରିବେ ଆଉ ପାଇପାରିବେ ୫୦ ଟଙ୍କା ଫେରସ୍ତ ।
ତେବେ ଏହି ପ୍ରକ୍ରିୟା ପାଇଁ ପ୍ରଥମେ ଆପଣ ଆମାଜନ୍ ଆପର ପେମେଣ୍ଟ ବିକଳ୍ପକୁ ଯାଇ ଆପଣଙ୍କ ଗ୍ୟାସ ସେବା ବିତରକକୁ ଚୟନ କରନ୍ତୁ । ତାପରେ ଆପଣଙ୍କ ରେଜିଷ୍ଟର ମୋବାଇଲ ନମ୍ବର ସହିତ ନିଜ LPG ନମ୍ବର ଦିଅନ୍ତୁ । ଏହାପରେ ଆପଣ ଆମାଜନ ପେ’ ଜରିଆରେ ହିଁ ଟଙ୍କା ପୈଠ କରିବେ । ଏହି ସୁଯୋଗ କିନ୍ତୁ ଆଗାମୀ ଅଗଷ୍ଟ ୩୧ ତାରିଖ ଯାଏଁ ଅଛି ।
