ଯଦି ଆପଣଙ୍କର ଉପର କିମ୍ବା ତଳ ଆଖିରେ ଏକ ଛୋଟ ‘ଘା’ ହୁଏ, ଏବଂ ସେହି ‘ଘା’ ଯୋଗୁଁ ଆପଣ ଯନ୍ତ୍ରଣା ଅନୁଭବ କରନ୍ତି, ତେବେ ତାହାକୁ ଆଖିର ଆଲୁ (stye in eye) କୁହାଯାଏ।
ଆଖିରେ ଆଲୁ ହେବାର କାରଣ :
- ଆଖିପତାର ଚାରିପାଖରେ ଥିବା ତେଲ ଗ୍ରନ୍ଥିରେ ସଂକ୍ରମଣ ହେଲେ ଏହି ‘ଘା’ ହୋଇଥାଏ। ଏହି ସଂକ୍ରମଣ ଜଣଙ୍କ ଠାରୁ ଅନ୍ୟ କୁ ବିସ୍ତାର ହୁଏନାହିଁ। ଏହା ସଂକ୍ରାମକ ନୁହେଁ।
- ଯଦି ଆପଣଙ୍କର ପେଟ ସଫା ନ ହୁଏ ଅର୍ଥାତ ଆପଣଙ୍କୁ କୋଷ୍ଠକାଠିନ୍ୟ ର ଅସୁବିଧା ଥାଏ , ତାହେଲେ ଆପଣଙ୍କର ଆଖିରେ ଆଲୁ ବାହାରି ଥାଏ।
- ଆପଣ ବହୁତ ମାନସିକ ଚାପ (stress) ଭିତରେ ରହୁଛନ୍ତି, ତେବେ ମଧ୍ୟ ଆପଣଙ୍କର ଆଖିରେ ଆଲୁ ବାହାରି ଥାଏ।
- ଆଖିରେ ଆଲୁ (stye in eye) ସାଧାରଣତଃ ଗ୍ରୀଷ୍ମ ଓ ବର୍ଷା ଋତୁରେ ହୋଇଥାଏ । ଯଦି ଆପଣଙ୍କ ଶରୀରରେ ଜଳୀୟ ଅଂଶର ମାତ୍ରା କମିଯାଏ କିମ୍ବା ଅଧିକ ପରିମାଣରେ ଆମ୍ବ, ଅନ୍ୟ କୌଣସି ଗରିଷ୍ଠ ଖାଦ୍ୟ ସେବନ କରନ୍ତି, ତାହେଲେ ଆପଣ ଏହି ଅସୁବିଧାର ସମ୍ମୁଖିନ ହୋଇପାରନ୍ତି।
ଆଖିର ଆଲୁ (stye in eye) ର ଘରୋଇ ଉପଚାର :
- ଗୋଟା ଧନିଆ କୁ ଏକ ଘଣ୍ଟା ପାଣି ରେ ବତୁରାଇ ରଖନ୍ତୁ। ସେହି ପାଣିକୁ ଛାଣି ଦିଅନ୍ତୁ। ଛାଣି ଥିବା ପାଣି ରେ, ‘ଘା’ ହୋଇଥିବା ଆଖିକୁ ଧୂଅନ୍ତୁ ଏହିପରି ଦିନକୁ ତିନି, ଚାରି ଥର କରନ୍ତୁ।
- ଘିକୁଆଁରୀ ରେ ବହୁତ ଔଷଧୀୟ ଗୁଣ ରହିଛି। ଘିକୁଆଁରୀ କୁ କାଟି ସେଥିରୁ ରସ ବାହାର କରନ୍ତୁ। ସେହି ରସ କୁ ଦିନକୁ ତିନି-ଚାରି ଥର ଲଗାନ୍ତୁ, ଏହି ପ୍ରକ୍ରିୟା ଦ୍ବାରା ଆଖି ର ଆଲୁ ଶୀଘ୍ର ଠିକ ହୋଇଯାଏ।
- ଜାମ ଫଳ ର ପତ୍ରକୁ ଭଲ ଭାବେ ଧୋଇ ତାକୁ ପାଣି ରେ ପକାଇ ଗରମ କରନ୍ତୁ। ଅଳ୍ପ ଉଷୁମ ଥିବା ପତ୍ର କୁ ଆଖିରେ ସେକ ଦିଅନ୍ତୁ।
- ଆଳୁର ଚୋପା ବାହାର କରି ତାକୁ ବାଟି ପେଷ୍ଟ ତିଆରି କରନ୍ତୁ। ସେହି ପେଷ୍ଟ କୁ ଆଖିରେ ଲଗାନ୍ତୁ। ଏହି ଉପାୟ ଦ୍ବାରା ଆଖିର ‘ଘା’ ଠିକ ହେବା ସହ ଆପଣଙ୍କ ର ଆଖି ତଳର କଳା ଦାଗ ମଧ୍ୟ ଦୂର ହୁଏ ।
- ହଳଦୀ ଗୁଣ୍ଡ କୁ ଉଷୁମ ପାଣି ରେ ମିଶାନ୍ତୁ, ସେହି ପାଣି କୁ ଦିନକୁ ଚାରି, ପାଞ୍ଚ ଥର ଆଖିରେ ସେକ ଦିଅନ୍ତୁ।
- ଗ୍ରୀନ ଟି କୁ ଗରମ ପାଣି ରେ ବୁଡ଼େଇ ରଖନ୍ତୁ, ତାହା ଉଷୁମ ହେଲା ପରେ ଆଖିରେ ସେକ ଦିଅନ୍ତୁ।
