ଏତେ କମ ବୟସରେ ଏତେ ଲୋକପ୍ରିୟତା ପରେ ବି ଏମିତି ପଦକ୍ଷେପ, ସାରା ଦେଶରେ ଏକ ଆଲୋଡ଼ନ ସୃଷ୍ଟି କରିଛି । ବଲିଉଡ୍ ଅଭିନେତା ସୁଶାନ୍ତ ସିଂହ ରାଜପୁତଙ୍କ ଆତ୍ମହତ୍ୟାରେ ସୋସିଆଲ ମିଡ଼ିଆରୁ ଆରମ୍ଭ କରି ବଲିଉଡ ଇଣ୍ଡଷ୍ଟ୍ରି ଏବେ ଶୋକରେ । ତାଙ୍କ ଆତ୍ମହତ୍ୟା ପଛର କାରଣ ମୁମ୍ବାଇ ପୋଲିସ ଖୋଜିବା ଜାରି ରଖିଛି ।
ଖୋଳତାଡ ଭିତରେ ଏକ ଗୁରୁତ୍ଵପୂର୍ଣ୍ଣ ତଥ୍ୟ ପୋଲିସ ହାତକୁ ଆସିଛି ଓ ସୂଚନା ଅନୁଯାୟୀ ଆତ୍ମହତ୍ୟା କରିବାର ଭାବନା ତାଙ୍କର ଅକସ୍ମାତ ନଥିଲା ବରଂ ପୂର୍ବରୁ ହିଁ ନିଷ୍ପତ୍ତି ନିଆ ସରିଥିଲା । ସୂଚନା ଅନୁଯାୟୀ ସୁଶାନ୍ତଙ୍କ ଆତ୍ମହତ୍ୟାକୁ ନେଇ ପୋଲିସ ଏଯାବତ ୧୦ ଜଣଙ୍କ ବୟାନ ରେକର୍ଡ କରିସାରିଛି । ସୁଶାନ୍ତଙ୍କ ବିଷାଦ ପଛର କାରଣ ଜାଣିବାକୁ ପୋଲିସ ତଦନ୍ତ ଜାରି ରଖିଛି ।
ସୁଶାନ୍ତଙ୍କ ପୂର୍ବ ମ୍ୟାନେଜରଙ୍କ କହିବାନୁଯାୟୀ ଆତ୍ମହତ୍ୟାର କିଛି ଦିନ ପୂର୍ବରୁ ଆତ୍ମହତ୍ୟା କରିଥିବା ତାଙ୍କ ମ୍ୟାନେଜର୍ ଦିଶା, ସୁଶାନ୍ତଙ୍କୁ ୧୪ କୋଟି ଟଙ୍କାର ଏକ ୱେବ୍ ସିରିଜ୍ରେ ମୁଖ୍ୟ ଭୂମିକା ଦେବା ପାଇଁ ସାହାଯ୍ୟ କରିବା କଥା କହିଥିଲେ । ହେଲେ ଦିଶାଙ୍କ ମୃତ୍ୟୁ ପରେ ସୁଶାନ୍ତ ଖୁବ୍ ଦୁଃଖି ରହୁଥିଲେ ଓ ଅଧିକାଂଶ ସମୟରେ ନିଜକୁ ରୁମ ଭିତରେ ବନ୍ଦ କରି ରହୁଥିଲେ । ଏମିତିକି ସେ ଆତ୍ମହତ୍ୟା କରିବାର ୩ ଦିନ ପୂର୍ବରୁ ନିଜ ଘର ସହାୟକ ଏବଂ ଅଫିସ୍ କର୍ମଚାରୀମାନଙ୍କୁ ଦରମା ଦେଇ ଦେଇଥିଲେ ଓ ଆଗକୁ ଆଉ ଦେଇପାରିବି ନାହିଁ ବୋଲି ବି କହିଥିଲେ ।
