ସଂସ୍କାର , (୧୨/୦୭) :- ପୃଥିବୀ ଆଡ଼କୁ ମାଡି ଆସୁଛି ଏକ ଭୟାନକ ସୌର ଝଡ଼। ଏକ ଶକ୍ତିଶାଳୀ ଭୟଙ୍କର ସୌର ଝଡ଼ ପୃଥିବୀ ଆଡକୁ ବହୁତ ଦ୍ରୁତ ବେଗରେ ଗତି କରୁଛି | ଏହାର ବେଗ ଘଣ୍ଟା ପ୍ରତି 1.6 ମିଲିୟନ୍ ଅର୍ଥାତ୍ 16 ଲକ୍ଷ କିଲୋମିଟର |
ଅନ୍ୟପଟେ ଆମେରିକାର ସ୍ପେସ୍ ଏଜେନ୍ସି ନାସା କହିଛି ଯେ ଏହାର ଗତି ମଧ୍ୟ ଆହୁରି ବୃଦ୍ଧି ହୋଇପାରେ। ତେବେ ଏହି ସୌର ଝଡ଼ ଯେ କୌଣସି ସମୟରେ ପୃଥିବୀକୁ ଛୁଇଁପାରେ ବୋଲି ଆମେରିକାର ସ୍ପେସ୍ ଏଜେନ୍ସି ନାସା ସୂଚନା ଦେଇଛି। ନାସାର ସୂଚନା ଅନୁଯାୟୀ , ଆସନ୍ତା ୧୩ ତାରିଖ ରୁ ୧୫ ତାରିଖ ମଧ୍ୟରେ ଏହି ସୌର ଝଡ଼ ଯେକୌଣସି ସମୟରେ ପୃଥିବୀକୁ ଆସିପାରେ |
Spaceweather.com ୱେବସାଇଟ୍ ର ରିପୋର୍ଟ ଅନୁଯାୟୀ, ଏହି ସୌର ଝଡ଼ ପୃଥିବୀର ଚୁମ୍ବକୀୟ କ୍ଷେତ୍ର ଉପରେ ଗଭୀର ପ୍ରଭାବ ପକାଇପାରେ | ଏହି କାରଣରୁ ରାତିରେ ଆକାଶ ଆଲୋକିତ ହେବ | ତେବେ ଏହି ଦୃଶ୍ୟ ଉତ୍ତର କିମ୍ବା ଦକ୍ଷିଣ ପୋଲରେ ଦୃଶ୍ୟମାନ ହେବ |
ବୈଜ୍ଞାନିକଙ୍କ କହିବା ଅନୁଯାୟୀ, ପୃଥିବୀର ବାହ୍ୟ ବାୟୁମଣ୍ଡଳ ଏହି ସୌର ଝଡ଼ ଦ୍ୱାରା ଉତ୍ତାପ ହୋଇପାରେ। ଏହା ସହ ଉପଗ୍ରହ ଉପରେ ଏହାର ସିଧାସଳଖ ପ୍ରଭାବ ପଡ଼ିବ | ଅନ୍ୟପକ୍ଷରେ ମୋବାଇଲ ର ଜିପିଏସ୍ ନେଭିଗେସନ୍, ମୋବାଇଲ୍ ଫୋନ୍ ଏବଂ ସାଟେଲାଇଟ୍ ଟିଭିର ସଙ୍କେତ ମଧ୍ୟ ଦୁର୍ବଳ ହୋଇପାରେ | ଆହୁରି ମଧ୍ୟ, ବିଦ୍ୟୁତ୍ ଲାଇନରେ କରେଣ୍ଟ୍ ବୃଦ୍ଧି ପାଇପାରେ, ଯାହା ଟ୍ରାନ୍ସଫର୍ମରଗୁଡ଼ିକୁ ମଧ୍ୟ ଭସ୍ମ କରିବାର ସମ୍ଭାବନା ରହିଛି | ଏହାର ପ୍ରତ୍ୟକ୍ଷ ପ୍ରଭାବ ବିମାନ ଉଡ଼ାଣରେ ମଧ୍ୟ ଦେଖାଯିବ |
ତେବେ ବୈଜ୍ଞାନିକ ମାନେ ଆହୁରି ମଧ୍ୟ କହିଛନ୍ତି ଯେ, ଏହି ଝଡ଼ କ୍ୱଚିତ୍ ଭାବରେ ଦେଖାଦେଇପାରେ । କାରଣ ପୃଥିବୀର ଚୁମ୍ବକୀୟ ଶକ୍ତି ବା କ୍ଷେତ୍ର ଏହା ବିରୁଦ୍ଧରେ ପ୍ରତିରକ୍ଷା ଭାବରେ କାର୍ଯ୍ୟ କରିବ। ତେବେ ଭାରତ ଉପରେ ଏହାର ଆଂଶିକ ପ୍ରଭାବ ପଡିପାରେ ବୈଜ୍ଞାନିକ ମାନେ କହିଛନ୍ତି।
