ସଂସ୍କାର : ବଣୁଆ ଜନ୍ତୁ ସହିତ ଜଡିତ ମଜାଳିଆ ଭିଡିଓ ଏବେ ଇଣ୍ଟରନେଟରେ ଭାଇରାଲ ହେବାରେ ଲାଗିଛି। ଏହାକୁ ସୋସିଆଲ ମିଡିଆ ବ୍ୟବହାରକାରୀମାନେ ବହୁତ ଆଗ୍ରହ ସହିତ ଦେଖିବାକୁ ପସନ୍ଦ କରୁଛନ୍ତି, ଏହା ହେଉଛି ଏକ କାରଣ ଯେ ଯେତେବେଳେ ବି ଇଣ୍ଟରନେଟରେ ଏହିପରି କିଛି ଭିଡ଼ିଓ ଅପଲୋଡ଼ ହୁଏ , ଏହା ତୁରନ୍ତ ଭାଇରାଲ୍ ହୋଇଯାଏ।
ଠିକ ଗୋଟେ ମଜାଦାର ଭିଡ଼ିଓ ୟୁଟ୍ୟୁବରେ ଭାଇରାଲ ହେବାରେ ଲାଗିଛି । ହାଇନା ଓ ଗଧ ଭିତରେ ଏକ ଲଢେଇ ବର୍ତ୍ତମାନ ସୋସିଆଲ୍ ମିଡ଼ିଆରେ ନିଆଁ ଭଳି ଭାଇରାଲ୍ ହେଉଛି। ଏହି ଲଢେଇ ସମୟରେ ପାଖରେ ଥିବା ଫଟୋଗ୍ରାଫର ହାଇନା ଓ ଗଧ ଲଢେଇର ଭିଡିଓ ନିଜ କ୍ୟାମେରାରେ କଏଦ କରି ଲୋକ ଲୋଚନକୁ ଆଣିଛନ୍ତି ।
ଚୀନରେ ଏକ କୃଷକର କ୍ଷେତ ପାଖରେ ଥିବା ଭୋକିଲା ହାଇନାଟି ଆସିକି ବୁଲୁଥାଏ । ଠିକ ସେତିକି ବେଳେ ତାର ନଜର ପଡିଲା ଗଧଟିଏ ଉପରେ । ଭୋକ ସାଙ୍ଗକୁ ଆସୁଥିବା ଗଧଟିକୁ ଦେଖି ତାର ଲାଳସା ବଢୁଥାଏ । ଗଧକୁ ଦେଖି ତାକୁ ଖାଇବାପାଇଁ ଆକ୍ରମଣ କରିବା ପାଇଁ ଯାଉଥାଏ । ଠିକ ସେତିକିବେଳେ ଗଧ ଏବଂ ହାଇନା ଲଢେଇ ଆରମ୍ଭ ହୋଇଗଲା । ତେବେ ପ୍ରତିଶୋଧ ପରାୟଣ ହୋଇ ଗଧ ହାଇନାର ଅବସ୍ଥା ଖରାପ କରିଦେଲା ।
ଗଧ ସେହି ହାଇନାର କାନକୁ ଖଣ୍ଡିଆ କରି ତାକୁ ତଳେପକାଇ ଆକ୍ରମଣ କରିବାକୁ ଲାଗିଲା। ବିଚରା ହାଇନା ଚିତ୍କାର କରିବାକୁ ଲାଗିଲା କିନ୍ତୁ ରକ୍ଷା ପାଇଲା ନାହିଁ। ତେବେ ପରବର୍ତୀ ସମୟରେ ହାଇନା ସେଠୁ ଚାଲିଯାଇ ନିଜକୁ ରକ୍ଷା କଲା । କିନ୍ତୁ ଏହା ନିଶ୍ଚିତ କହିବା କି ଗଧ ହାଇନାଠୁ ପ୍ରତିଶୋଧ ନେବାରେ ସଫଳ ହେଲା । ବିଚରା ହାଇନା ରକ୍ତଜୁଡୁବୁଡୁ ଅବସ୍ଥାରେ ନିଜକୁ ରକ୍ଷା କରିବା ପାଇଁ ଦଉଡିବାକୁ ଲାଗିଲା ।
