ସଂସ୍କାର : ନାବାଳିକା ଗାଧୋଇବା ଅବସ୍ଥାରେ ତାଙ୍କୁ ଲୁଚି ଦେଖୁଥିଲା ୩୦ ବର୍ଷୀୟ ଯୁବକ। ନାବାଳିକା ଜଣକ କିପରି ନଳକୂଅରେ ଗାଧୋଉଛନ୍ତି ତାର ମଧ୍ୟ ଭିଡ଼ିଓ ପ୍ରସ୍ତୁତ କରୁଥିଲା ଏହି ଯୁବକ। ଯାହାକି ଗଣମାଧ୍ୟମ ସୂତ୍ରରୁ ସୂଚନା ରହିଛି। ଆଉ ଯେତେବେଳେ ଯୁବକଙ୍କର ଏହି ସମ୍ବେଦନଶୀଳ କାଣ୍ଡ ବିଷୟରେ ଜଣା ପଡିଲା, ସେତେବେଳେ ପୋଲିସ ତାକୁ ଗିରଫ କରିଥିବା ଜଣାପଡିଛି।
ସୂଚନା ଅନୁଯାୟୀ, ଘରପାଖ ନଳକୂଅରେ ଗାଧୋଉଥିବା ୧୪ ବର୍ଷୀୟ ନାବାଳିକାକୁ ଲୁଚିରହି ଦେଖିବା ଜଣେ ଯୁବକକୁ ବେଶ୍ ମହଙ୍ଗା ପଡ଼ିଛି। ଏହି ଅଭିଯୋଗରେ ପୁଲିସ ସଂପୃକ୍ତ ଯୁବକକୁ ଗିରଫ କରିଥିବା ଜଣାଯାଇଛି। ଗିରଫ ଅଭିଯୁକ୍ତ ହେଲା ଦୀପକ ଲେଙ୍କା (୩୦)। ଏଭଳି ଏକ ଘଟଣା ଦେଖିବାକୁ ମିଳିଛି ସୁନ୍ଦରଗଡ଼ ଜିଲ୍ଲା ଟାଙ୍ଗରପଲ୍ଲୀ ପୁଲିସ ଥାନା ଅନ୍ତର୍ଗତ ଏକ ଗାଁରେ।
ଗାଁରେ ଥିବା ଏକ ନଳକୂଅରେ ନାବାଳିକା ଜାନୁଆରୀ ୨୬ ତାରିଖ ଦିନ ସକାଳୁ ସକାଳୁ ଗାଧୋଉଥିବା ବେଳେ ସେହି ଗାଁର ଜଣେ ଯୁବକ ଯାହାର ନାମ ଦୀପକ ଲେଙ୍କା। ଏପରିକି ଦୀପକ ତାର ମୋବାଇଲରେ ନାବାଳିକା ଗାଧୋଉଥିବାର ଭିଡ଼ିଓ ଉତ୍ତୋଳନ କରିଥିବା ମଧ୍ୟ ଅଭିଯୋଗ ହୋଇଛି।
ଘଟଣା ଜଣାପଡ଼ିବା ପରେ ପରିବାର ଲୋକେ ଥାନାରେ ଏତଲା ଦେଇଥିଲେ। ପୁଲିସ ମାମଲା ରୁଜୁ କରି ଅଭିଯୁକ୍ତକୁ ଗିରଫ କରିଛି। ପୁଲିସ ସୂତ୍ରରୁ ପ୍ରକାଶ ଯେ, ନାବାଳିକା ଗାଁରେ ଥିବା ଏକ ନଳକୂଅରେ ଗାଧୋଉଥିଲା। ସେଠାରେ ସ୍ନାନ ପାଇଁ ପରଦା ଲଗାଯାଇଥିଲା। ତେବେ ଅଭିଯୁକ୍ତ ଜଣକକ ପରଦାକୁ ଟାଣି ଲୁଚି ଦେଖୁଥିଲା। ନାବାଳିକା ଏ ନେଇ ଅବଗତ ହେବା ପରେ ଏପରି କରିବାକୁ ବାରଣ କରିଥିଲେ ମଧ୍ୟ ଦୀପକ ଏହାକୁ ଶୁଣି ନଥିଲା। ଓଲଟା ସେ ଅଶୋଭନୀୟ ଇଙ୍ଗିତ ମଧ୍ୟ କରିଥିବା ଥାନାରେ ଏତଲା ହୋଇଛି। ତେବେ ଘଟଣାକୁ ଗୁରୁତର ସହିତ ନେଇ ପୋଲିସ ଅଭିଯୁକ୍ତ ଯୁବକକୁ ଗିରଫ କରିଛି।
