ବିଶ୍ୱ ଟେଷ୍ଟ ଚାମ୍ପିଅନସିପ୍ର ଫାଇନାଲ (WTC) ଏବଂ ଇଂଲଣ୍ଡ ବିପକ୍ଷ ପାଞ୍ଚ ଟେଷ୍ଟ ସିରିଜ ପାଇଁ ବିସିସିଆଇ ଶୁକ୍ରବାର ଦିନ ଭାରତୀୟ ଦଳ ଘୋଷଣା କରିଛି। ଏହି ଦଳରେ ହାର୍ଦ୍ଦିକ ପାଣ୍ଡ୍ୟା, କୁଲଦୀପ ଯାଦବ ଏବଂ ଟି ନଟରାଜନ୍ ସ୍ଥାନ ପାଇନାହାଁନ୍ତି। ଆସନ୍ତୁ ଦେଖିବା ଏହି 3 କାହିଁକି ଭାରତୀୟ ଦଳରେ ସ୍ଥାନ ପାଇ ପାରିଲେ ନାହିଁ।
ନିକଟରେ ଭାରତୀୟ ପେସର୍ ଟି ନଟରାଜନ୍ ଗୋଡ ରେ ଅସ୍ତ୍ରୋପଚାର କରିଥିଲେ। ସେ ଆଇପିଏଲର 14 ତମ ସିଜନରେ କେବଳ ଦୁଇଟି ମ୍ୟାଚ୍ ଖେଳିବାରେ ସକ୍ଷମ ହୋଇଥିଲେ, ଏହା ପରେ ଆଘାତ କାରଣରୁ ତାଙ୍କୁ ଲିଗ୍ ରୁ ବାଦ୍ ଦିଆଯାଇଥିଲା । ନଟରାଜନ୍ ଏପର୍ଯ୍ୟନ୍ତ ଭାରତ ପାଇଁ ଗୋଟିଏ ଟେଷ୍ଟ, 2 ଟି ODI ଏବଂ 4 ଟି -20 ଅନ୍ତର୍ଜାତୀୟ ଖେଳିଛନ୍ତି। ସେ ଅଷ୍ଟ୍ରେଲିଆ ବିପକ୍ଷରେ ବ୍ରିସବେନରେ ଖେଳାଯାଇଥିବା ସିରିଜର ଚତୁର୍ଥ ତଥା ଅନ୍ତିମ ଟେଷ୍ଟ ମ୍ୟାଚର ଅଂଶବିଶେଷ ଥିଲେ ଯେଉଁଥିରେ ଭାରତ 3 ୱିକେଟରେ ଜିତିଥିଲା। ସେହି ମ୍ୟାଚର ପ୍ରଥମ ଇନିଂସରେ ନଟରାଜନ୍ ତିନିଟି ୱିକେଟ୍ ନେଇଥିଲେ।
ଚିନାମାନ ବୋଲର କୁଲଦୀପ ଯାଦବ ମଧ୍ୟ ଟେଷ୍ଟ ଦଳରେ ସ୍ଥାନ ପାଇନାହାଁନ୍ତି। ଏହାର କାରଣ ତାଙ୍କର ଖରାପ ଫର୍ମ ବୋଲି ବିଶ୍ୱାସ କରାଯାଏ। ୟୁପିର କୁଲଦୀପ ଚେନ୍ନାଇରେ ଇଂଲଣ୍ଡ ବିପକ୍ଷ ଶେଷ ଟେଷ୍ଟ ମ୍ୟାଚ୍ ଖେଳିଥିଲେ କିନ୍ତୁ ସେ ମାତ୍ର ଦୁଇଟି ୱିକେଟ୍ ନେଇପାରିଥିଲେ। ଏହା ପରେ ସେ ଆଇପିଏଲରେ ମଧ୍ୟ ସୁଯୋଗ ପାଇ ନଥିଲେ ଏବଂ ସ୍ଥଗିତ ଶୀଜନ ରେ ଗୋଟିଏ ବି ମ୍ୟାଚ୍ ଖେଳିପାରିନଥିଲେ। ଇଂଲଣ୍ଡ ବିପକ୍ଷ ଶେଷ ଦିନିକିଆ ସିରିଜରେ କୁଲଦୀପ ଦୁଇଟି ମ୍ୟାଚ୍ ଖେଳିଥିଲେ କିନ୍ତୁ ତାଙ୍କ ପାଇଁ ଏହା ମହଙ୍ଗା ପ୍ରମାଣିତ ହୋଇଥିଲା ଏବଂ ତାଙ୍କୁ କୌଣସି ୱିକେଟ୍ ମଧ୍ୟ ମିଳି ନଥିଲା।
ଭାରତୀୟ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଏପର୍ଯ୍ୟନ୍ତ ଟେଷ୍ଟ ଫର୍ମାଟରେ ବୋଲିଂ ପାଇଁ ଫିଟ୍ ନାହାଁନ୍ତି। ଇଂଲଣ୍ଡ ବିପକ୍ଷ ODI ସିରିଜରେ ସେ କେବଳ ଗୋଟିଏ ମ୍ୟାଚ୍ରେ ବୋଲିଂ କରିଥିଲେ ମଧ୍ୟ ସେ କୌଣସି ୱିକେଟ୍ ନେବାରେ ସଫଳ ହୋଇନଥିଲେ। ପୁଣେରେ ଖେଳାଯାଇଥିବା ସିରିଜର ତୃତୀୟ ଦିନିକିଆରେ ସେ 64 ରନର ଇନିଂସ ଖେଳିଥିଲେ ଏବଂ ବୋଲିଂ ମଧ୍ୟ କରିଥିଲେ। ଏହାପୂର୍ବରୁ ସେ କେବଳ ସିରିଜର ଉଭୟ ମ୍ୟାଚ୍ରେ ବ୍ୟାଟିଂ କରୁଥିବା ଦେଖିବାକୁ ମିଳିଥିଲା। ସେ ଶେଷ ଥର ପାଇଁ 2018 ରେ ସାଉଥମ୍ପଟନରେ ଇଂଲଣ୍ଡ ବିପକ୍ଷ ଟେଷ୍ଟ ମ୍ୟାଚ୍ ଖେଳିଥିଲେ। ସେ ଏପର୍ଯ୍ୟନ୍ତ 11 ଟି ଟେଷ୍ଟ, 60 ଟି ODI ଏବଂ 48 ଟି -20 ଅନ୍ତର୍ଜାତୀୟ ଖେଳିଛନ୍ତି। ସେ ଆଇପିଏଲର 14 ତମ ସିଜନରେ ଖେଳିଥିଲେ ମଧ୍ୟ ଗୋଟିଏ ବି ଓଭର ବୋଲିଂ କରିନଥିଲେ।
