ସଂସ୍କାର: ବର୍ତ୍ତମାନ ଆମ ଓଲିଉଡ ଫିଲ୍ମ ଇଣ୍ଡଷ୍ଟ୍ରିର ନମ୍ବର ୱାନ ସୁପର ଷ୍ଟାର ହିରୋ ହେଉଛନ୍ତି ବାବୁସାନ ମହାନ୍ତି। ନିକଟରେ ତାଙ୍କର ଏକ ଚଳଚ୍ଚିତ୍ର ରିଲିଜ ହୋଇଥିଲା , ଯାହାର ନାମ ଥିଲା “ଦମନ”। ଏହି ଫିଲ୍ମଟି ଦେଶରେ ବହୁତ ଲୋକପ୍ରିୟ ହୋଇଥିଲା। ପ୍ରଥମେ ଏହି ଫିଲ୍ମଟି ଓଡ଼ିଆ ଭାଷାରେ ରିଲିଜ ହେବା ପରେ ତାକୁ ହିନ୍ଦୀ ଭାଷାରେ ବି ରିମିକେ କରାଯାଇଥିଲା। ଆଉ ଦମନର ହିନ୍ଦୀ ଭର୍ସନକୁ ବି ବହୁତ ଭଲ ପାଇବା ମିଳିଥିଲା।
ତେବେ 2009 ମସିହାରେ “ରୋମିଓ ଦ ଲଭର ବଏ” ଫିଲ୍ମରୁ ନିଜର ଅଭିନୟ କ୍ୟାରିୟର ଆରମ୍ଭ କରିଥିବା ବାବୁସାନ, ବର୍ତ୍ତମାନ ଆମକୁ ଅନେକ ସୁପର ହିଟ ଚଳଚିତ୍ର ଭେଟି ଦେଇଛନ୍ତି। ବାବୁସାନ ହେଉଛନ୍ତି ଓଡିଆ ଇଣ୍ଡଷ୍ଟ୍ରିର ଏକ ମାତ୍ର ଅଭିନେତା ଯିଏ ବର୍ତ୍ତମାନ ଦମନ ଚଳଚ୍ଚିତ୍ର ମାଧ୍ୟମରେ ସାରା ଦେଶରେ ନିଜର ଏକ ସ୍ଵତନ୍ତ୍ର ପରିଚୟ ସୃଷ୍ଟି କରି ପାରିଛନ୍ତି। ଏହି ଫିଲ୍ମଟି ମୌଳିକ କାହାଣୀ ଉପରେ ଆଧାରିତ ଥିଲା। ଫିଲ୍ମରେ ବାବୁସାନ ନିଜର ଜବରଦସ୍ତ ଅଭିନୟ କରିଥିଲେ।
ତେବେ ଦମନ ଫିଲ୍ମ ପରେ ବାବୁସାନ ନିଜର ଆଗାମୀ ଫିଲ୍ମ ପାଇଁ ବହୁତ ବ୍ୟସ୍ତରେ ଅଛନ୍ତି। ହଁ , ଗତ କିଛି ସମୟ ହେବ ବାବୁସାନଙ୍କ ଆଗାମୀ ଫିଲ୍ମକୁ ନେଇ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଭିଡିଓଟି ଦେଖିଲେ ଆପଣ ମାନେ ବହୁତ ଖୁସି ହେବେ ଆଉ ଆଜି ଆମେ ଆପଣ ମାନଙ୍କୁ ଏହି ଭିଡିଓ ବିଷୟରେ କହିବାକୁ ଯାଉଛୁ ।
ବାବୁଙ୍କର ଆସୁଛି ଆଉ ଏକ ଦମଦାର୍ ଫିଲ୍ମ:
ଦମନ ଫିଲ୍ମର ବଡ ସଫଳତା ପରେ ବାବୁସାନ ଏବେ ଆଉ ଏକ ଫିଲ୍ମ କରିବାକୁ ଯାଉଛନ୍ତି ଯାହାର ନାମ ହେଉଛି “ଅନ୍ତର୍ଯାମୀ’। ଅନ୍ତର୍ଯାମୀ ଫିଲ୍ମର ସୁଟିଙ୍ଗ ଆରମ୍ଭ ହେବାକୁ ଯାଉଛି ଆଉ ସବୁଠାରୁ ବଡ କଥା ହେଉଛି ଏହି ଫିଲ୍ମରେ ଜଣେ ତେଲୁଗୁ ହିରୋଇନ ନଜର ଆସିବେ। ଏହି ଫିଲ୍ମର ଏକ ଇଭେଣ୍ଟ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ଯେଉଁଥିରେ ଆପଣ ବାବୁସାନ ଏବଂ ଅନ୍ତର୍ଯାମୀ ଟିମ ଦେଖି ପାରୁ ଥିବେ।
ତେବେ ଏହି ତେଲୁଗୁ ହିରୋଇନ୍ ଭୁବନେଶ୍ୱର ଆସିଥିବାରୁ ବହୁତ ଖୁସି ଅଛନ୍ତି ବୋଲି କହିଛନ୍ତି। ଆଉ ବାବୁସାନଙ୍କ ଫିଲ୍ମର ନାୟିକା ହେବା ପାଇଁ ସେ ସମ୍ପୂର୍ଣ୍ଣ ପ୍ରସ୍ତୁତ ବୋଲି ଫିଲ୍ମର ଏକ ଇଭେଣ୍ଟରେ ସେ ନିଜର ମତ ରଖିଛନ୍ତି।
