ଫିଲ୍ମ “ହେ ଅପନା ଦିଲ ତୋ ଆୱାରା” ରେ କାମ କରିଥିବା ଅଭିନେତ୍ରୀ Divvya Chouksey ରବିବାର ଦିନ ଦେହାନ୍ତ ହୋଇଛି। ଏହି ଖବର ତାଙ୍କ ସମ୍ପର୍କୀୟ ସୋମ୍ୟ ଆମିଷ ଭର୍ମା (Soumya Amish Verma) ଫେସବୁକରେ ସେୟାର କରି ଜଣାଇଛନ୍ତି।
ଏହି ଟେଲିଭିଜନ ଅଭିନେତ୍ରି ଦିଭ୍ୟା ଚୌକସେୟ କର୍କଟ ରୋଗରେ ମୃତ୍ୟୁ ବରଣ କରିଥିବା ଜଣାପଡିଛି । ତାଙ୍କୁ ଶ୍ରଦ୍ଧାଞ୍ଜଳି ଦେଇ ସୋମ୍ୟ ଆମିଷ ଭର୍ମା ଲେଖିଛନ୍ତି ଯେ ଦିଭ୍ୟା ଲଣ୍ଡନରେ ଅଭିନୟ କରିବା ପାଇଁ ଅଧ୍ୟୟନ ମଧ୍ୟ କରିଥିଲେ,ସେ ମଡେଲ ଭାବରେ କାମ କରିବା ସହିତ ଚଳଚ୍ଚିତ୍ର ଏବଂ ଟେଲିଭିଜନ ଶୋ ମଧ୍ୟ କରିଥିଲେ। ମୋତେ ଦୁଃଖର ସହ କହିବାକୁ ପଡୁଛି ଯେ ମୋ ଅତି ନିକଟତର ବନ୍ଧୁ ଦିଭ୍ୟା କର୍କଟ ରୋଗ ଯୋଗୁଁ ବହୁତ କାମ ବୟସରେ ଚାଲିଗଲେ। ତାଙ୍କ ମୃତ୍ୟୁରେ ମୁ ଅତନ୍ତ୍ୟ ମର୍ମାହତ ବୋଲି ପୋଷ୍ଟ ରେ ସେ ଲେଖିଛନ୍ତି।
ମୃତ୍ୟୁର କିଛି ଘଣ୍ଟା ପୂର୍ବରୁ,ଦିଭ୍ୟା ନିଜେ ତାଙ୍କ ଇନଷ୍ଟାଗ୍ରାମ ଷ୍ଟୋରି ରେ ଏକ ବାର୍ତ୍ତା ସେୟାର କରିଥିଲେ, ଯେଉଁଥିରେ ସେ କହିଥିଲେ ଯେ ସେ ତାଙ୍କ ‘ମୃତ୍ୟୁ ଶଯ୍ୟା’ରେ ଅଛନ୍ତି। ଏବଂଲେଖିଛନ୍ତି, “ମୁଁ ଯାହା ଜଣାଇବାକୁ ଚାହୁଁଛି, ଶବ୍ଦଗୁଡ଼ିକ ଯଥେଷ୍ଟ ହୋଇପାରିବ ନାହିଁ,ସମୟ ଆସିଛି ମୁଁ ଆପଣମାନଙ୍କୁ କହୁଛି, ମୁଁ ମୋର ମୃତ୍ୟୁ ଶଯ୍ୟାରେ ଅଛି। ଯଦିଓ ମୁ ବହୁତ ଷ୍ଟ୍ରଙ୍ଗ ତଥାପି ସେଠାରେ ଆଉ ଏକ ଜୀବନ ଅଛି ଯାହା,ଦୟାକରି କୌଣସି ପ୍ରଶ୍ନ କରନ୍ତୁ ନାହିଁ ତୁମେ ମୋ ପାଇଁ କେତେ ମୂଲ୍ୟବାନ ତାହା କେବଳ ଭଗବାନ ଜାଣନ୍ତି।
