ସକାଳୁ ସକାଳୁ ଖୋର୍ଦ୍ଧା ଜିଲ୍ଲା ଟାଙ୍ଗୀ ଅଞ୍ଚଳରେ ଥିବା ବାଲିନାସୀ ଗାଁରୁ ଆସିଛି ଏକ ଦୁଃଖଦ ଖବର । ଗାଁ ରାସ୍ତା ଉପରେ ଦୁଇ ଭାଇଙ୍କୁ ଜଣେ ଯୁବକ ଗୋଡ଼େଇ ଗୋଡ଼େଇ ହାଣିବା ଘଟଣା ସ୍ଥାନୀୟ ଅଞ୍ଚଳରେ ହଇଚଇ ସୃଷ୍ଟି କରିଛି । ଶରୀରର ବିଭିନ୍ନ ସ୍ଥାନରେ ଚୋଟ ପଡ଼ିବାରୁ ପ୍ରବଳ ରକ୍ତସ୍ରାବ ହୋଇଛି ଏବଂ ଦୁଇ ଭାଇଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଛି ।
ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଏ ଘଟଣା ନେଇ ତଦନ୍ତ ଆରମ୍ଭ କରିଦେଇଛି । ତେବେ ଘଟଣା ପଛର କାରଣ ଏଯାବତ୍ ଅସ୍ପଷ୍ଟ ଥିବାବେଳେ ଗୁରୁତର ଆହତ ହୋଇଥିବା ଦୁଇ ଭାଇଙ୍କୁ ଭୁବନେଶ୍ୱର ସ୍ଥିତ AIIMS ହସ୍ପିଟାଲରେ ଭର୍ତ୍ତି କରାଯାଇଛି ।
