ସଂସ୍କାର : ଭାରତୀୟ କ୍ରିକେଟର ରିଷଭ ପନ୍ତଙ୍କ କାର ଦୁର୍ଘଟଣା ହୋଇଥିଲା । ଯେଉଁଥିରେ ସେ ଗୁରୁତର ଆହତ ହୋଇଥିଲେ। ସେ ଦିଲ୍ଲୀରୁ ରୁର୍କିସ୍ଥିତ ତାଙ୍କ ଘରକୁ ଯାଉଥିବାବେଳେ ତାଙ୍କ କାର ଡିଭାଇଡରକୁ ଧକ୍କା ଦେଇଥିଲା। ରିଷଭଙ୍କ ଦୁର୍ଘଟଣା ପରେ ଫ୍ୟାନ୍ସଙ୍କ ସମେତ ଷ୍ଟାର ଖେଳାଳି ଆଉ ବଲିଉଡ ତାରକାମାନେ ତାଙ୍କ ପାଇଁ ପ୍ରାର୍ଥନା କରୁଛନ୍ତି।
ଏହି ସମୟରେ ଉର୍ବଶୀ ରୌତେଲାଙ୍କ ଟ୍ୱିଟ୍ ଚର୍ଚ୍ଚାକୁ ଆସିଛି। ଏହାପୂର୍ବରୁ ସେ ଇନଷ୍ଟାଗ୍ରାମରେ ଏକ ପୋଷ୍ଟ କରି ଲେଖିଥିଲେ ଯେ ‘ପ୍ରାର୍ଥନା କରୁଛି’। ସେ କେବଳ ତାଙ୍କର ଏକ ଫଟୋ ସେୟାର କରିଥିଲେ। ସେଥିରେ କାହାର ନାମ ଲେଖି ନଥିଲେ।
ବର୍ତ୍ତମାନ ଉର୍ବଶୀ ଏକ ଟ୍ୱିଟ୍ କରି ଲେଖିଛନ୍ତି, ‘ମୁଁ ତୁମର ଏବଂ ତୁମ ପରିବାରର ସ୍ୱାସ୍ଥ୍ୟ ପାଇଁ ପ୍ରାର୍ଥନା କରୁଛି।’ ଉର୍ବଶୀ, ଋଷଭଙ୍କ ନାମ ଲେଖି ନାହାଁନ୍ତି କିନ୍ତୁ ଫ୍ୟାନ୍ସ ତାଙ୍କର ଏହି ଟ୍ୱିଟ୍ ପାଇଁ ପ୍ରଶଂସା କରୁଛନ୍ତି। ୟୁଜର୍ସ ଅନୁମାନ କରୁଛନ୍ତି ଯେ ଉର୍ବଶୀଙ୍କ ଏହି ଟ୍ୱିଟ୍ କେବଳ କ୍ରିକେଟର ଏବଂ ତାଙ୍କ ପରିବାର ପାଇଁ।
ତେବେ ଅଭିନେତ୍ରୀଙ୍କ ଏହି ଟ୍ୱିଟ୍ ଉପରେ ୟୁଜର୍ସ ବିଭିନ୍ନ ପ୍ରତିକ୍ରିୟା ଦେଉଛନ୍ତି। ଜଣେ ୟୁଜର୍ ଲେଖିଛନ୍ତି, ‘ୟେ ହୋତି ହେ ମୋହବତ୍।’ ଅନ୍ୟ ଜଣେ ଲେଖିଛନ୍ତି, ସବୁକିଛି ଠିକ୍ ହୋଇଯିବ, ଚିନ୍ତା କର ନାହିଁ। ଭଗବାନଙ୍କୁ ବିଶ୍ୱାସ କର। ‘ ସେହିପରି ଅନ୍ୟ ଜଣେ ଲେଖିଛନ୍ତି, ‘ଏହା ହେଉଛି ପ୍ରକୃତ ପ୍ରେମ।’
