ସଂସ୍କାର : ରେଳ ପ୍ଲାଟଫର୍ମରେ ଠିଆ ହୋଇ ଦୁଇ ଜଣ ବ୍ୟକ୍ତି ପରସ୍ପର ସହ କଥାବାର୍ତ୍ତା ହେଉଥିଲେ। ସେଥିମଧ୍ୟରୁ ଜଣେ ଥିଲେ TTE । ତେବେ ହଠାତ୍ ଉପରୁ ଇଲେକ୍ଟ୍ରିକ୍ ତାର ଖସିଗଲା। ଶରୀରରୁ ସ୍ପାର୍କ ବାହାରିବା ଆରମ୍ଭ ହେଲା ଏବଂ ସେ ଠିଆ ହୋଇ ରେଳ ଟ୍ରାକରେ ପଡ଼ିଗଲେ। ଏହି ଘଟଣା ପଶ୍ଚିମବଙ୍ଗର ଖରାଗପୁର ରେଳ ଷ୍ଟେସନରୁ ଆସିଛି। ଭାଇରାଲ ହେଉଥିବା ସିସିଟିଭି ଫୁଟେଜ ସଭିଙ୍କୁ ଆଶ୍ଚର୍ଯ୍ୟ କରିଛି।
ଏହି ଘଟଣା 7 ଡିସେମ୍ବର 2022 ର ଅଟେ। ଷ୍ଟେସନର ପ୍ଲାଟଫର୍ମ ନମ୍ବର 4 ର ଫୁଟବ୍ରିଜ୍ ନିକଟରେ ଘଟିଥିଲା ଏହି ଅଘଟଣ। ରେଳ ଅଧିକାରୀଙ୍କ ନାମ ସୁଜନ ସିଂ ସର୍ଦ୍ଦାର। ଫୁଟେଜରେ ସୁଜନ ଅନ୍ୟ ଜଣେ ବ୍ୟକ୍ତିଙ୍କ ସହ କଥାବାର୍ତ୍ତା ହେଉଥିବା ଦେଖିବାକୁ ମିଳିଛି। ତା’ପରେ ହଠାତ୍ ଏକ ହାଇ ଭୋଲଟେଜ୍ ଇଲେକ୍ଟ୍ରିକ୍ ତାର ଖସିଗଲା।
ଏହି ତାର ସହିତ ସଂସ୍ପର୍ଶରେ ଆସିବା ମାତ୍ରେ TTE ର ଦେହରୁ ସ୍ପାର୍କ ବାହାରୁଥିବା ଦେଖାଯାଇଥିଲା ଏବଂ ସେ ସିଧାସଳଖ ପ୍ଲାଟଫର୍ମ ତଳେ ରେଳ ଟ୍ରାକ୍ ଉପରେ ପଡିଯାଇଥିଲେ। ଘଟଣାର କିଛି ସମୟ ପରେ ସୁଜନ ସିଂଙ୍କୁ ଖରାଗପୁର ରେଳ ଡାକ୍ତରଖାନାକୁ ନିଆଯାଇଥିଲା। ତାଙ୍କର ଚିକିତ୍ସା ଚାଲିଛି। ତାଙ୍କ ମୁଣ୍ଡରେ ଏବଂ ଶରୀରର ଅନେକ ଅଙ୍ଗରେ ଆଘାତ ଲାଗିଥିବା ଡାକ୍ତରମାନେ କହିଛନ୍ତି।
