ସଂସ୍କାର : ଦିଲ୍ଲୀ ପୋଲିସର ଜଣେ କନେଷ୍ଟବଳଙ୍କର ସାହାସିକତାର ଏକ ଭିଡିଓ ବର୍ତ୍ତମାନ ଭାଇରାଲ ହେବାରେ ଲାଗିଛି । ଦିଲ୍ଲୀ ପୋଲିସ ବି ଏହି ଭିଡିଓକୁ ନିଜ ଟ୍ୱିଟର ଆକାଉଣ୍ଟରେ ସେୟାର କରିଛି । ଏହାକୁ ଦେଖିଲେ ପ୍ରଥମେ କୌଣସି ଫିଲ୍ମର ସିନ୍ ଭଳି ଲାଗିପାରେ କିନ୍ତୁ ଏହା ସତ ଘଟଣା। ନିଜ ଜୀବନକୁ ଖାତିର ନ କରି ସ୍ନାଚରଙ୍କୁ ଧରିଥିଲେ ଏହି କନେଷ୍ଟବଳ।
ଜାତୀୟ ଗଣମାଧ୍ୟମର ସୂଚନା ଅନୁଯାୟୀ, ଶାହବାଦ ଡେରୀ ଥାନାକୁ ଏକ ସ୍ନାଚର ସମ୍ପର୍କରେ ସୂଚନା ମିଳିଥିଲା। ତାକୁ ଧରିବା ପାଇଁ କନେଷ୍ଟବଳ ସତ୍ୟେନ୍ଦ୍ର ବାଇକରେ ବାହାରିପଡିଲେ । ଏହି ସମୟରେ ଅଚାନକ ମୁହଁରେ ରୁମାଲ ବାନ୍ଧି ସ୍ନାଚର ତାଙ୍କ ସାମ୍ନାକୁ ଚାଲିଆସିଲା। ଅତି କଷ୍ଟରେ ସେ ତାକୁ ଧରିବାରେ ସଫଳ ହେଲେ । ତେବେ ତାଙ୍କର ଏହି କାରନାମା ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
କନେଷ୍ଟବଳ ନିଜ ଜୀବନକୁ ବାଜି ଲଗାଇ ସ୍ନାଚରକୁ ଧରିବା ପାଇଁ ଚେଷ୍ଟା କଲେ ଏବଂ ବାଇକରୁ ଖସିପଡିଲେ। ତାଙ୍କ ବାଇକ ପଡିଗଲା । ତଥାପି ସେ ସ୍ନାଚରକୁ ଛାଡିଲେନି । ଥାନାକୁ ଯିବା ପରେ ସ୍ନାଚର ୧୧ଟି ମାମଲା ସମ୍ପର୍କରେ ସ୍ୱୀକାର କଲା । ସ୍ନାଚର ବିରୁଦ୍ଧରେ ସମ୍ପନ୍ଧିତ ଧାରା ଲଗାଇ କାର୍ଯ୍ୟାନୁଷ୍ଠାନ କରାଯାଉଛି । ତେବେ ତାକୁ ଧରିବା ସମୟରେ ସେହି ଭିଡିଓଟି ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ସମସ୍ତେ ବର୍ତ୍ତମାନ କନେଷ୍ଟବଳଙ୍କ କାମକୁ ପ୍ରଶଂସା କରୁଛନ୍ତି ।
