ଭାରତୀୟ ପ୍ରିମିୟର ଲିଗ୍ ର 14 ତମ ସିଜନର ଅବଶିଷ୍ଟ ମ୍ୟାଚ୍ ପାଇଁ ବିସିସିଆଇର ସଂଘର୍ଷ ଜାରି ରହିଛି । ଶନିବାର ଅନୁଷ୍ଠିତ SGM ବୈଠକରେ ଆଇପିଏଲ୍ 2021 ର ତାରିଖ ଘୋଷଣା କରାଯିବ ବୋଲି ଆଶା କରାଯାଉଛି। ୟୁଏଇରେ ଟୁର୍ନାମେଣ୍ଟର ଦ୍ୱିତୀୟ ପର୍ଯ୍ୟାୟ ଖେଳାଯାଇପାରିବ ବୋଲି ବିଶ୍ୱାସ କରାଯାଏ। ତେବେ, ସେପ୍ଟେମ୍ବରରୁ ଅକ୍ଟୋବର ମଧ୍ୟରେ ଆଇପିଏଲର ବଳକା 31 ଟି ମ୍ୟାଚ୍ ଖେଳିବା ଏବଂ ଖେଳାଳିଙ୍କୁ ପରିଚାଳନା କରିବା ବିସିସିଆଇ ପାଇଁ ବହୁତ ଚ୍ୟାଲେଞ୍ଜ ହେବ। ଆଇପିଏଲର ଅବଶିଷ୍ଟ ମ୍ୟାଚଗୁଡ଼ିକର ତାରିଖ ଘୋଷଣା ହେବା ପୂର୍ବରୁ ବିସିସିଆଇ କେଉଁ କେଉଁ 4 ଟି ମୁଖ୍ୟ ସମସ୍ୟା ଉପରେ ବିଚାର କରିବା ଆବଶ୍ୟକ ତାହା ଆସନ୍ତୁ ଜାଣିବା।
ୟୁଏଇରେ ଟି -20 ବିଶ୍ୱକପ ହେବାର ସମ୍ଭାବନା।
ଭାରତରେ କରୋନା ପରିସ୍ଥିତିକୁ ଦେଖି ଏହି ବର୍ଷର ଟି -20 ବିଶ୍ୱକପକୁ ୟୁଏଇକୁ ସ୍ଥାନାନ୍ତର କରାଯାଇପାରିବ ବୋଲି ବିଶ୍ୱାସ କରାଯାଏ । ଅକ୍ଟୋବର ମଧ୍ୟଭାଗରେ ବିଶ୍ୱକପ୍ ଆରମ୍ଭ ହେବ ଏବଂ ଫାଇନାଲ୍ 14 ନଭେମ୍ବରରେ ଖେଳାଯିବାର କାର୍ଯ୍ୟକ୍ରମ ରହିଛି । ଏଭଳି ପରିସ୍ଥିତିରେ ଯଦି ୟୁଏଇରେ ଉଭୟ ଟୁର୍ନାମେଣ୍ଟ ଖେଳାଯାଏ, ତେବେ ପିଚ୍ ର ଫିଟନେସକୁ ନେଇ ଆଇସିସି ନିଶ୍ଚିତ ଭାବେ ଚିନ୍ତିତ ହେବ। ୟୁଏଇର ଦୁବାଇ, ଆବୁଧାବି ଏବଂ ଶାରଜା ହେଉଛି ତିନୋଟି ଗୁରୁତ୍ୱପୂର୍ଣ୍ଣ ଷ୍ଟାଡିୟମ, ଯେଉଁଠାରେ ଆଇସିସି ଟି -20 ବିଶ୍ୱକପ କରିବାକୁ ରାଜି ହୋଇପାରେ, ତେଣୁ ଯଦି ଏହି ଆଧାରରେ ଆଇପିଏଲର 31 ଟି ମ୍ୟାଚ୍ ଖେଳାଯାଇଥାଏ, ତେବେ ବିଶ୍ୱକପ୍ ଉପରେ କିଛି ଟା ପରିଣାମ ପଡିପାରେ। ଯାହା ଆଇସିସି ଜମା ପସନ୍ଦ କରିବ ନାହିଁ । ଏହା ସହିତ, ସମସ୍ତ ଦଳ ବିଶ୍ୱକପ ପରି ଟୁର୍ନାମେଣ୍ଟର ଏକ ସପ୍ତାହ ପୂର୍ବରୁ ଏକତ୍ରିତ ହୁଅନ୍ତି ଏବଂ କରୋନା କାଳରେ ଏବଂ ୟୁଏଇର କ୍ୱାରାଣ୍ଟିନ୍ ନିୟମକୁ ଦୃଷ୍ଟିରେ ରଖି ସେପ୍ଟେମ୍ବର ଶେଷରେ ସମସ୍ତ ଦଳ ୟୁଏଇରେ ପହଞ୍ଚିବାକୁ ପଡିବ।
CPL ସହିତ ହେବ ସଂଘର୍ଷ ।
କାରିବିଆନ୍ ପ୍ରିମିୟର ଲିଗ୍ 2021 ଅଗଷ୍ଟ 28 ରେ ଆରମ୍ଭ ହେବ ଏବଂ 19 ସେପ୍ଟେମ୍ବରରେ ଟୁର୍ନାମେଣ୍ଟ ଫାଇନାଲ୍ ଖେଳାଯିବ । ଅର୍ଥାତ୍ ଯଦି ସେପ୍ଟେମ୍ବର 15 ପରେ ଆଇପିଏଲ୍ ଆରମ୍ଭ ହୁଏ, ତେବେ ୱେଷ୍ଟଇଣ୍ଡିଜ୍ ର ଗୁରୁତ୍ୱପୂର୍ଣ୍ଣ ଖେଳାଳି ଯେଉଁମାନେ ଇଣ୍ଡିଆନ୍ ପ୍ରିମିୟର ଲିଗକୁ ଶୋଭା ପାଉଛନ୍ତି ସେମାନେ କିଛି ମ୍ୟାଚ୍ ଖେଳି ପାରିବେ ନାହିଁ । କ୍ରିସ୍ ଗ୍ରେଲ୍, କିରନ୍ ପୋଲାର୍ଡ, ଶିମ୍ରନ୍ ହେଟମିୟର, ନିକୋଲାସ୍ ପୁରାନ୍, ଆଣ୍ଡ୍ରେ ରସେଲଙ୍କ ଭଳି ଖେଳାଳିମାନେ ଏହି ସିଜନରେ ସିପିଏଲ୍ ର ଅଂଶ ଅଟନ୍ତି । ଏହା ବ୍ୟତୀତ ଫାଫ୍ ଡୁ ପ୍ଲେସିସ୍, ଇମ୍ରାନ ତାହିର, କ୍ରିସ୍ ମରିସଙ୍କ ଭଳି ଶକ୍ତିଶାଳୀ ଖେଳାଳି ମଧ୍ୟ ଏହି ଲିଗରେ ଖେଳିବେ। ଏଭଳି ପରିସ୍ଥିତିରେ ଏହା ବିସିସିଆଇ ପାଇଁ ଚିନ୍ତାର ବିଷୟ ହୋଇପାରେ।
ବିଦେଶୀ ଖେଳାଳିଙ୍କ ରହିବେ ଅନୁପସ୍ଥିତି ।
ଇଂଲଣ୍ଡର ତାରକା ଖେଳାଳିମାନେ ଆଇପିଏଲ୍ ଉପରେ ପ୍ରାଧାନ୍ୟ ବିସ୍ତାର କରିଛନ୍ତି। ଜୋସ୍ ବଟଲର, ଇଏନ୍ ମୋର୍ଗାନ୍, ସାମ୍ କରନ୍, ଜନି ବେୟାରଷ୍ଟୋ, କ୍ରିସ୍ ୱୁକସ୍ ଭଳି ଖେଳାଳି ଏକାଦଶ ଦଳର ଖେଳର ଏକ ଗୁରୁତ୍ୱପୂର୍ଣ୍ଣ ଅଂଶ ହୋଇ ରହିଛନ୍ତି । ତେବେ ଆଇସିବି ନିର୍ଦ୍ଦେଶକ ଆଶଲି ଗିଲ୍ସ ଶୁକ୍ରବାର ଦିନ ସ୍ପଷ୍ଟ କରିଛନ୍ତି ଯେ ଆଇପିଏଲ୍ 2021 ର ଅବଶିଷ୍ଟ ମ୍ୟାଚ୍ ପାଇଁ ଇଂରାଜୀ ଖେଳାଳି ଉପଲବ୍ଧ ହେବେ ନାହିଁ ଏବଂ ଦଳର ଧ୍ୟାନ ଟି -20 ବିଶ୍ୱକପ ଉପରେ ରହିବ। ଭାରତ ବିପକ୍ଷ ଟେଷ୍ଟ ସିରିଜ୍ ଶେଷ ହେବା ପରେ ଇଂଲଣ୍ଡକୁ ବାଂଲାଦେଶ ଏବଂ ପରେ ପାକିସ୍ତାନ ବିପକ୍ଷରେ ସିରିଜ୍ ଖେଳିବାକୁ ପଡିବ। କେବଳ ଇଂଲଣ୍ଡ ନୁହେଁ ନ୍ୟୁଜିଲ୍ୟାଣ୍ଡକୁ ମଧ୍ୟ ସେପ୍ଟେମ୍ବରରୁ ଅକ୍ଟୋବର ମଧ୍ୟରେ ପାକିସ୍ତାନରେ ସୀମିତ ଓଭର ସିରିଜ୍ ଖେଳିବାକୁ ପଡିବ। ଏହା ବ୍ୟତୀତ ଆଫଗାନିସ୍ତାନ ମଧ୍ୟ ହ୍ୱାଇଟ ବଲ୍ ସିରିଜ୍ ପାଇଁ ୟୁଏଇରେ ପାକିସ୍ତାନକୁ ଆୟୋଜନ କରିବାକୁ ଯାଉଛି।
ଜୈବ ବବୁଲ୍ କୁ ସ୍ଥାନାନ୍ତର ପାଇଁ ହେବ କଷ୍ଟକର।
ଆଇପିଏଲ୍ 2020 ରେ, ଖେଳାଳିମାନେ ସିପିଏଲ୍ ଏବଂ ଇଂଲଣ୍ଡ-ଅଷ୍ଟ୍ରେଲିଆ ସିରିଜରୁ ଚାଟାର୍ଟ ବିମାନ ସାହାଯ୍ୟରେ ୟୁଏଇରେ ପହଞ୍ଚିଥିଲେ । ଦଳରେ ଯୋଗଦେବା ପରେ ଖେଳାଳିମାନେ ଦୁବାଇରେ ପହଞ୍ଚିବା ମାତ୍ରେ ଅଭ୍ୟାସ ଆରମ୍ଭ କରିଥିବା ବେଳେ ଆବୁଧାବିରେ ମାତ୍ର ଏକ ସପ୍ତାହର କ୍ୟାରାଣ୍ଟିନ ଶେଷ କରିବାକୁ ପଡିଥିଲା। କିନ୍ତୁ, ଏଥର ପରିସ୍ଥିତି ଅଲଗା, କରୋନା ସମଗ୍ର ବିଶ୍ୱରେ ତାଣ୍ଡବ କରୁଛି, ତେଣୁ ପ୍ରତ୍ୟେକ ୟୁଏଇ ଦେଶ ପାଇଁ ଭିନ୍ନ ଭିନ୍ନ କ୍ୟାରାଣ୍ଟିନ ନିୟମ ଏବଂ ଭିନ୍ନ ଭିନ ଜୈବ ବବୁଲ୍ ମଧ୍ୟ ସମସ୍ୟା ସୃଷ୍ଟି କରିବାରେ କଷ୍ଟକର ହେବ । ପ୍ରତ୍ୟକ ଖେଳାଳି ଏମିତିକି ୱେଷ୍ଟଇଣ୍ଡିଜ୍ ଏବଂ ଇଂଲଣ୍ଡ ଓ ଅନ୍ୟ ଦେଶର ପ୍ରମୁଖ ଖେଳାଳି ଏବଂ ସବୁ ଦଳକୁ ଠିକ୍ ସମୟରେ ସଂଗଠିତ କରିବା ଏବଂ କ୍ୟାରାଣ୍ଟିନ ଅବଧି କୁ ସମାପ୍ତ କରିବା ପାଇଁ ବିସିସିଆଇ ଏକ ମୁଣ୍ଡ ବଥାର କାରଣ ହେବ ଏବଂ BCCI କୁ କଠିନ ପରିସ୍ଥିତି ର ସମ୍ମୁଖୀନ ହେବାକୁ ପଡିବ।
