ବଲିଉଡ ସୁପରଷ୍ଟାର ଶାହାରୁଖ ଖାନ ତାଙ୍କ ଚଳଚ୍ଚିତ୍ର ହେତୁ ପ୍ରଶଂସକଙ୍କ ହୃଦୟରେ ସ୍ଥାନ ପାଇଥାନ୍ତି, ଲୋକମାନେ ତାଙ୍କ ଡାଇଲଗ ଏବଂ ତାଙ୍କ ଅଭିନୟ ଶୈଳୀକୁ ନକଲ କରୁଥିବା ମଧ୍ୟ ଦେଖାଯାଏ, କ୍ରିକେଟ୍ ପ୍ରତି ଶାହାରୁଖଙ୍କର ମଧ୍ୟ ଆଗ୍ରହ ରହିଛି ଏବଂ ଆଇପିଏଲ୍ ଟିମ୍ କୋଲକାତା ନାଇଟ୍ ରାଇଡର୍ସର ମାଲିକ ମଧ୍ୟ ଅଟନ୍ତି। ବୁଧବାର, ଆଇପିଏଲ 2021 ପୂର୍ବରୁ, ଏପ୍ରିଲ 9 ରୁ ଆରମ୍ଭ ହୋଇଥିବା ଶାହାରୁଖ ତାଙ୍କ ଟ୍ୱିଟରରେ ପ୍ରଶଂସକଙ୍କ ପାଇଁ ଏକ ପ୍ରଶ୍ନ-ଉତ୍ତର ଅଧିବେଶନ ପୋଷ୍ଟ କରିଥିଲେ । ଏହି ସମୟ ମଧ୍ୟରେ ଜଣେ ପ୍ରଶଂସକ ତାଙ୍କୁ ଏକ କୌତୁହଳ ପୂର୍ଣ୍ଣ ପ୍ରଶ୍ନ ପଚାରି ଶାହାରୁଖଙ୍କୁ ଦ୍ବନ୍ଦରେ ପକାଇବାକୁ ଚେଷ୍ଟା କରିଥିଲେ, କିନ୍ତୁ ବଲିଉଡ ଅଭିନେତା ଅତି ଚତୁରତାର ସହ ପ୍ରତିକ୍ରିୟା ଦେଇ ସମସ୍ତଙ୍କ ମନ ଜିଣିଥିଲେ।
ପ୍ରକୃତରେ, ପ୍ରଶଂସକ ଶାହାରୁଖ ଖାନଙ୍କୁ ଦୁଇଟି ବିକଳ୍ପ ଦେଇଥିଲେ, ସେ ମଧ୍ୟରୁ ପ୍ରଥମ ଅପସନ କୋଲକାତା ନାଇଟ୍ ରାଇଡର୍ସ ଆଇପିଏଲ୍ 2021 ଟ୍ରଫି ଜିତିବା କୁ ଚାଉଁଛନ୍ତି ନା ଦ୍ୱିତୀୟରେ ତାଙ୍କ ଆଗାମୀ ଫିଲ୍ମ 600 କୋଟି ଟଙ୍କା କ୍ଲବରେ ସାମିଲ ହେବାକୁ ଚାଁହୁଛନ୍ତି। ତାଙ୍କୁ ଏହି ଦୁଇଟି ମଧ୍ୟରୁ ଗୋଟିଏ ବାଛିବାକୁ କହିଥିଲେ।
ଶାହାରୁଖ ବହୁତ ଚତୁରତାର ସହ ଉତ୍ତର ଦେଇ ଲେଖିଛନ୍ତି, ‘ମୁଁ ମଲ୍ଟି ପୁଲ୍ ଚଏସ ପ୍ରଶ୍ନରେ କଦାପି ଭଲ ଉତର ଦେଇ ପାରେ ନାହିଁ, କାରଣ ମୁଁ ସମସ୍ତ ଉତ୍ତର ସଠିକ୍ ଦେଖିବାକୁ ଚାହେଁ।’ ଅନ୍ୟ ଜଣେ ପ୍ରଶଂସକ ଶାହାରୁଖଙ୍କୁ ପଚାରିଥିଲେ କି କେକେଆର ଦଳ ଏଥର କପ ଆଣିବେ କି ନାହିଁ ?, ଯେଉଁଥିରେ ବଲିଉଡ ସୁପରଷ୍ଟାର କହିଛନ୍ତି, ‘ମୁଁ ଆଶା କରୁଛି ଜିତିବା ବୋଲି । ମୁଁ ଚାହେଁ ମୁଁ ସେହି କପ ରେ କଫି ପିଇବା ଆରମ୍ଭ କରିବି। ‘
ଗତ ସିଜନରେ କୋଲକାତା ନାଇଟ୍ ରାଇଡର୍ସ ଦଳର ପ୍ରଦର୍ଶନ କିଛି ବିଶେଷ ନଥିଲା ଏବଂ ଦଳ ଏହାକୁ ପ୍ଲେ ଅଫ୍ ରେ ପହଂଚିବାରେ ବିଫଳ ହୋଇଥିଲା। ଚଳିତ ବର୍ଷର ନିଲାମରେ ହରଭଜନ ସିଂ, କରୁଣ ନାୟାର, ବେନ୍ କଟିଙ୍ଗ ଭଳି ଖେଳାଳିଙ୍କୁ ଦଳ ସାମିଲ କରିଛି। ଆଇପିଏଲ୍ 2021 ରେ କେକେଆରର ଦଳ ବହୁତ ସନ୍ତୁଳିତ ଦେଖାଯାଉଛି ଏବଂ ଏଥର ଦଳକୁ ଦୃଢ ପ୍ରତିଯୋଗୀ ଭାବରେ ଦେଖାଯାଉଛି । ଇଏନ୍ ମୋର୍ଗାନ୍ ଚଳିତ ବର୍ଷ ମଧ୍ୟ କେକେଆର୍ ଅଧିନାୟକ ଭାବେ ନଜର ଆସିବେ।
