IND vs ENG : ଅଗଷ୍ଟ 4 ରୁ ନଟିଂହାମରେ (Nottingham) ଭାରତ ଏବଂ ଇଂଲଣ୍ଡ ମଧ୍ୟରେ ହେବାକୁ ଥିବା ପାଞ୍ଚ ମ୍ୟାଚ୍ ଟେଷ୍ଟ ସିରିଜ୍ ପାଇଁ ଭାରତର ପୂର୍ବତନ କ୍ରିକେଟର ଯୁବରାଜ ସିଂ ଏବଂ ପୂର୍ବତନ ଅଷ୍ଟ୍ରେଲିଆ ସ୍ପିନର ବ୍ରାଡ ହଗ ବଡ଼ ଭବିଷ୍ୟବାଣୀ କରିଛନ୍ତି। ଯୁବରାଜ ଇଂଲଣ୍ଡ ସ୍ଥିତିରେ ଭୁବନେଶ୍ୱର କୁମାରଙ୍କ ଭଳି ସ୍ୱିଙ୍ଗ ବୋଲରଙ୍କୁ ଭାରତ ହରାଇଛି ବୋଲି ଯୁବରାଜ ସିଂ ପ୍ରକାଶ କରିଛନ୍ତି।
“ଭୁବନେଶ୍ୱର ବଲ୍ ସୁଇଙ୍ଗ୍ କରିବାରେ ମାହିର ଅଟନ୍ତି। ସେ ଜଣେ ଅଭିଜ୍ଞ ବୋଲର। ଏବଂ ସେ ନିଶ୍ଚିତ ଭାବରେ ଦଳର ଅଂଶ ହେବା ଉଚିତ ଏବଂ ତାଙ୍କୁ ଏକ ସୁଯୋଗ ଦିଆଯିବା ଉଚିତ୍ । ଭାରତ ଭୁଭିଙ୍କ ପରି ଇଂଲଣ୍ଡରେ ଅଭିଜ୍ଞ ବୋଲର ଙ୍କୁ ଆବଶ୍ୟକ କରେ ବୋଲି ଯୁବରାଜ ଟାଇମ୍ସ ଅଫ୍ ଇଣ୍ଡିଆକୁ କହିଛନ୍ତି।
ଭୁବନେଶ୍ୱର କୁମାର 2013 ରେ ଟେଷ୍ଟ ଡେବ୍ୟୁ କରିଥିଲେ ଏବଂ ଏପର୍ଯ୍ୟନ୍ତ ସେ 21 ଟି ଟେଷ୍ଟ ଖେଳିଛନ୍ତି ଯେଉଁଥିରେ ସେ ତାଙ୍କ ନାମରେ 63 ୱିକେଟ୍ ନେଇଛନ୍ତି। ତେବେ ସେ ଶେଷ ଥର ପାଇଁ ଜୋହାନ୍ସବର୍ଗରେ ଦକ୍ଷିଣ ଆଫ୍ରିକା ବିପକ୍ଷରେ 2018 ରେ ଏକ ଟେଷ୍ଟ ମ୍ୟାଚ୍ ଖେଳିଥିଲେ।
ସେହିଭଳି ଅଷ୍ଟ୍ରେଲିଆର ପୂର୍ବତନ କ୍ରିକେଟର ବ୍ରାଡ ହଗ ଭବିଷ୍ୟବାଣୀ କରିଛନ୍ତି ଯେ ଡବ୍ଲୁଟିଏସି ଫାଇନାଲରେ ଭାରତର ସର୍ବାଧିକ ୱିକେଟ୍ ନେଇଥିବା ମହମ୍ମଦ ଶାମି ଇଂଲଣ୍ଡରେ ଭାରତର ପ୍ରମୁଖ ବୋଲର ସାବ୍ୟସ୍ଥା ହେବେ।
“ଯଦି ତୁମେ ଶାମିଙ୍କୁ ଦେଖ, ସେ ଶେଷ ଥର ଚମତ୍କାର ବୋଲିଂ କରିଥିଲେ। ମୁଁ ଭାବୁଛି ଯଦି ସେ ବିଶ୍ୱ ଟେଷ୍ଟ ଚାମ୍ପିଅନସିପ ଫାଇନାଲ ଭଳି ବୋଲିଂ କରନ୍ତି ତେବେ ତାଙ୍କୁ ଏଠାରେ ଆହୁରି ଅଧିକ ସୁଯୋଗ ମିଳିବ ବୋଲି ହଗ୍ ତାଙ୍କ ୟୁଟ୍ୟୁବ୍ ଚ୍ୟାନେଲରେ କହିଛନ୍ତି।
2013 ରେ ଟେଷ୍ଟ ଡେବ୍ୟୁ କରିଥିବା ଶାମି 51 ଟି ଟେଷ୍ଟ ଖେଳିଛନ୍ତି ଯେଉଁଥିରେ ସେ 184 ୱିକେଟ୍ ସଂଗ୍ରହ କରିଛନ୍ତି। ଗତଥର ଭାରତ ଇଂଲଣ୍ଡ ଗସ୍ତରେ ସେ ଭାରତର ଷ୍ଟାର ଖେଳାଳି ଭାବେ ପଦର୍ଶନ କରି ଥିଲେ।
ଏହି ପାଞ୍ଚ ମ୍ୟାଚ୍ ବିଶିଷ୍ଟ ସିରିଜ୍ ସହିତ ଭାରତ ବିଶ୍ୱ ଟେଷ୍ଟ ଚାମ୍ପିଅନସିପ୍ ର ପରବର୍ତ୍ତୀ ଚକ୍ର ଆରମ୍ଭ କରିବ । ପ୍ରଥମ ଡବ୍ଲୁଟିସି ଚକ୍ରରେ ନ୍ୟୁଜିଲ୍ୟାଣ୍ଡ ଫାଇନାଲରେ ଭାରତକୁ ପରାସ୍ତ କରି ଟେଷ୍ଟ ମେସ୍ ଜିତିଥିଲା। ଭାରତ ଶେଷ ଥର ପାଇଁ 2007 ରେ ରାହୁଲ ଦ୍ରାବିଡଙ୍କ ନେତୃତ୍ୱରେ ଇଂଲଣ୍ଡରେ ଏକ ଟେଷ୍ଟ ସିରିଜ୍ ଜିତିଥିଲା।
