ସଂସ୍କାର : ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନ୍ କହିଛନ୍ତି ଯେ ୱାଜିରାବାଦରେ ୩ ଜଣ ସୁଟର ତାଙ୍କୁ ହତ୍ୟା କରିବାକୁ ଚେଷ୍ଟା କରିଥିଲେ। ସେ ଶନିବାର କହିଛନ୍ତି ଯେ ନଭେମ୍ବର ୩ରେ ପୂର୍ବ ୱାଜିରାବାଦ ସହରରେ ଏକ ବିକ୍ଷୋଭ ପ୍ରଦର୍ଶନ ବେଳେ ତାଙ୍କ ଉପରେ ହତ୍ୟା ଉଦ୍ୟମରେ ତିନି ଜଣ ଗୁଳି ଚଳାଇଥିଲେ। ପଞ୍ଜାବର ୱାଜିରାବାଦ ଅଞ୍ଚଳରେ ବନ୍ଧୁକଧାରୀମାନେ ତାଙ୍କ ଉପରକୁ ଗୁଳି ଚଳାଇଥିବା ବେଳେ ତାଙ୍କ ଡାହାଣ ଗୋଡରେ ଗୁଳି ବାଜିଥିଲା ବୋଲି ପାକିସ୍ତାନ ତେହେରୀକ ଏ ଇନସାଫ ପାର୍ଟି ମୁଖ୍ୟ ଇମ୍ରାନ ଖାନ କହିଛନ୍ତି।
ଶନିବାର ଦିନ ରାୱଲପିଣ୍ଡିରରେ ତାଙ୍କ ଦଳର ଏକ ବିଶାଳ ସମାବେଶକୁ ସମ୍ବୋଧିତ କରି ଖାନ କହିଛନ୍ତି ଯେ ପୂର୍ବରୁ ଚିହ୍ନଟ ହୋଇଥିବା ଦୁଇ ଆକ୍ରମଣକାରୀ ହିଁ ତାଙ୍କୁ ଏବଂ ଅନ୍ୟ ନେତାଙ୍କ ଉପରକୁ ଗୁଳି ଚଳାଇଥିଲେ ଏବଂ ଦ୍ୱିତୀୟ ସୁଟର କଣ୍ଟେନର ସମ୍ମୁଖରୁ ଗୁଳି ଚଳାଇ ଥିଲା।
ସେ କହିଛନ୍ତି ଯେ ତୃତୀୟ ସୁଟର ରାଲିରେ ଜଣେ ବ୍ୟକ୍ତିଙ୍କୁ ହତ୍ୟା କରିଥିବା ବେଳେ ଅନ୍ୟ ଜଣେ ସୁଟରକୁ ହତ୍ୟା କରିବାକୁ ଉଦ୍ୟମ କରିଥିଲା। ଆକ୍ରମଣର ଗୋଟିଏ ଦିନ ପରେ ଲାହୋରର ଶୌକତ ଖାନମ୍ ହସ୍ପିଟାଲରୁ ଦେଶକୁ ସମ୍ବୋଧିତ କରି ଖାନ କହିଥିଲେ ଯେ ତାଙ୍କ ଡାହାଣ ଗୋଡରେ ଚାରିଟି ଗୁଳି ବାଜିଥିଲା। ସେ ପୁଣି ଥରେ ପ୍ରଧାନମନ୍ତ୍ରୀ ଶେହବାଜ ସରିଫ, ମନ୍ତ୍ରୀ ରାଣା ସନାଉଲ୍ଲା ଏବଂ ମେଜର ଜେନେରାଲ ଫୈଜଲ ନାସିରଙ୍କୁ ତାକୁ ହତ୍ୟା କରିବା ପାଇଁ ଷଡଯନ୍ତ୍ର କରିଥିବା ଅଭିଯୋଗ କରିଛନ୍ତି।
