ୱାଶିଂଟନ : ଆଇନ ଏବଂ ସୁରକ୍ଷାକୁ ଦୃଷ୍ଟିରେ ରଖି ବେଜିଂ ଦ୍ଵାରା ନିୟନ୍ତ୍ରିତ ଚାଇନା ଟେଲିକମ୍ କମ୍ପାନୀକୁ ଆମେରିକାର ବଜାରରେ ସେବା ପ୍ରଦାନ କରିବା ଉପରେ ପ୍ରତିବନ୍ଧକ ଲଗେଇବାକୁ ଯୁକ୍ତରାଷ୍ଟ୍ର ଆମେରିକା ସରକାରଙ୍କ ଶୀର୍ଷ ବିଭାଗ ସୁପାରିଶ କରିଛି ବୋଲି ଗୁରୁବାର ଦିନ ନ୍ୟାୟ ବିଭାଗ ଘୋଷଣା କରିଛି ।
ପ୍ରତିରକ୍ଷା, ବୈଦେଶିକ ଏବଂ ଆଭ୍ୟନ୍ତରୀଣ ସୁରକ୍ଷା ସମେତ ଅନ୍ୟାନ୍ୟ ବିଭାଗଗୁଡ଼ିକ ଏକ ବିସ୍ତୃତ ସମୀକ୍ଷା ପରେ କହିଛନ୍ତି ଯେ ଫେଡେରାଲ୍ ଯୋଗାଯୋଗ ଆୟୋଗକୁ ଚାଇନା କମ୍ପାନୀର ଆମେରିକାରେ ଥିବା ସହାୟକ ଏକକ ଚାଇନା ଟେଲିକମକୁ ଆମେରିକାରେ ଆନ୍ତର୍ଜାତୀୟ ଟେଲିକମ୍ ସେବା ଯୋଗାଇବା ପାଇଁ ଦିଆଯାଇଥିବା ସମସ୍ତ ଅନୁମୋଦନକୁ ବାତିଲ କରିଦେବା ଉଚିତ । ଏହାର ବିବୃତ୍ତିରେ ନ୍ୟାୟ ବିଭାଗ କହିଛି ଯେ କାର୍ଯ୍ୟନିର୍ବାହୀ ଶାଖା ଏଜେନ୍ସିଗୁଡିକ ଚୀନ ଟେଲିକମ୍ କାର୍ଯ୍ୟକଳାପ ସହିତ ଜଡିତ ପର୍ଯ୍ୟାପ୍ତ ଏବଂ ଗ୍ରହଣୀୟ ଜାତୀୟ ସୁରକ୍ଷା ତଥା ଆଇନଶୃଙ୍ଖଳା ବିପଦକୁ ଚିହ୍ନଟ ଓ ତାର ସଞ୍ଚାଳନର ପଦ୍ଧତିଗୁଡ଼ିକୁ ଆମେରିକାର ସ୍ୱାର୍ଥ ବିରୋଧ ବୋଲି ବିଚାର କରାଯାଏ ।
ଜଷ୍ଟିସ୍ ବିଭାଗ, ବାଣିଜ୍ୟ ବିଭାଗ, ଆମେରିକାର ବାଣିଜ୍ୟ ପ୍ରତିନିଧୀ ଏବଂ ଆମେରିକାର କାଉଣ୍ଟର-ଇଣ୍ଟେଲିଜେନ୍ସ ଇତ୍ୟାଦି ଏଜେନ୍ସିମାନେ କହିଛନ୍ତି ଯେ ଚୀନ ଟେଲିକମ୍ ଚୀନ ସରକାରଙ୍କ ପ୍ରଭାବରେ କାର୍ଯ୍ୟ କରେ ଓ ଆମେରିକୀୟ ଅଧିକାରୀମାନଙ୍କୁ ଏହା ବିଷୟରେ ଭୁଲ ତଥ୍ୟ ଦିଆଯାଇଛି ଯେ ଆମେରିକୀୟ ରେକର୍ଡକୁ କେଉଁଠାରେ ରଖେ ଏବଂ ସାଇବର ସୁରକ୍ଷାକୁ କିଭଳି ଭାବରେ ବ୍ୟବସ୍ଥିତ ।
ଏଜେନ୍ସିମାନେ ଆମେରିକୀୟ କାର୍ଯ୍ୟକ୍ରମକୁ ତଥା ଚାଇନା ଟେଲିକମ୍ ର ଟ୍ରେଣ୍ଡ ବିଷୟରେ ଚିନ୍ତା ପ୍ରକଟ କରିଛନ୍ତି । ସେ କହିଛନ୍ତି ଯେ ଏହି କମ୍ପାନୀ ଦୁଷ୍କର୍ମକାରୀ ସାଇବର କାର୍ଯ୍ୟକଳାପ ଏବଂ ଆର୍ଥିକ ଗୁପ୍ତଚର ତଥା ଏବଂ ଆମେରିକୀୟ ଯୋଗାଯୋଗକୁ ବାଧା ଦେବା ପ୍ରୟାସରେ ଜଡ଼ିତ ଥିବା ଜଣାପଡିଛି ।
ଚାଇନା ଟେଲିକମ୍ ସମ୍ବନ୍ଧରେ ଏଫ.ସି.ସି.ର ସୁପାରିଶ ଅନୁଯାୟୀ ଏହି ନିଷ୍ପତ୍ତି ନେବାକୁ ପଡ଼ିବ କିନ୍ତୁ ଏହାର ହ୍ଵାଇଟ ହାଉସର ଭୂମିକା ଗୁରୁତ୍ୱପୂର୍ଣ୍ଣ ହେବ ବୋଲି ନିଶ୍ଚିତ । ବେଜିଂ ସହିତ ଚାଲିଥିବା ବାଣିଜ୍ୟ ବୁଝାମଣା ସହିତ ଏହା ମଧ୍ୟ ସଂଯୁକ୍ତ ହୋଇପାରେ । ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଦେଶରେ କାର୍ଯ୍ୟ କରୁଥିବା ବିଦେଶୀ ଟେଲିକମ୍ କମ୍ପାନୀ ସହ ଜଡିତ ଜାତୀୟ ସୁରକ୍ଷା ଚିନ୍ତାଧାରାକୁ ଆନୁଷ୍ଠାନିକ ଭାବରେ ସମୀକ୍ଷା କରିବାର ୫ ଦିନ ପରେ ଏହା ଘଟିଛି । ଏହାପୂର୍ବରୁ ସେପ୍ଟେମ୍ବର ୨୦୧୯ ରେ ଡେମୋକ୍ରାଟ୍ ସିନେଟର ଚକ୍ ଶୁମର ଏବଂ ରିପବ୍ଲିକାନ୍ ସିନେଟର ଟମ୍ କଟନ୍ ଜାତୀୟ ସୁରକ୍ଷା ପ୍ରସଙ୍ଗ ଉଠାଇଥିଲେ । ଏହାକୁ ଗ୍ରହଣ କରି ଆମେରିକାରେ ଚାଇନା ଟେଲିକମ୍ ଏବଂ ଚାଇନା ୟୁନିକମ୍ ଉପରେ ମଧ୍ୟ ପ୍ରତିବନ୍ଧକ ଲଗାଇବାକୁ ଦାବି ହୋଇଥିଲା ।
