ସଂସ୍କାର : ଉତ୍ତରପ୍ରଦେଶର ଏଟାୱା ଜିଲ୍ଲାରେ ଜଣେ ଯୁବକଙ୍କ ବିବାହ ସମୟରେ ଆଶ୍ଚର୍ଯ୍ୟଜନକ ଖବର ସାମ୍ନାକୁ ଆସିଛି। ଯୁବକଙ୍କର ବିବାହର ପାଇଁ ସମସ୍ତ ବ୍ୟବସ୍ଥା ସମ୍ପୂର୍ଣ୍ଣ ହୋଇଥିଲା। ପରସ୍ପରକୁ ଦେଖିବା ପରେ ପୁଅ ଓ ଝିଅ ବିବାହ ପାଇଁ ରାଜି ହୋଇଥିଲେ। ଯେତେବେଳେ ନିର୍ବନ୍ଧ ହୋଇଥିଲା ଯୁବକ ଜଣକ ୨୦ ବର୍ଷର ଯୁବତୀଙ୍କ ସହ ନିର୍ବନ୍ଧ କରିଥିଲେ। ଉଭୟ ପଟୁ ବିବାହ ରୀତିନୀତି ଆରମ୍ଭ ହୋଇଥିଲା। ଏହି ବିବାହ ମନ୍ଦିରରେ ଅନୁଷ୍ଠିତ ହୋଇଥିଲା। ବିବାହ ଦିନ ବର ପରିବାର ସଦସ୍ୟ ଏବଂ ସମ୍ପର୍କୀୟଙ୍କ ସହ ମନ୍ଦିରରେ ପହଞ୍ଚିଥିଲେ। ବର ଓ କନ୍ୟା ବିବାହ ମଣ୍ଡପର ସାତ ବୁଲାଣି ପୂର୍ବରୁ କନ୍ୟା ଆସିବା ମାତ୍ରେ କନ୍ୟାକୁ ଦେଖି ବରର ହୋସ ଉଡିଯାଇଥିଲା। ବିବାହ ପୂର୍ବରୁ ପୁଅ ଦେଖିଥିବା ଯୁବତୀ ସେଠାରେ ନଥିଲା, ତାଙ୍କ ସ୍ଥାନରେ ଦୁଇ ସନ୍ତାନର ମା ଥିଲେ। ଏହା ଦେଖି ବର ତୁରନ୍ତ ବିବାହ କରିବାକୁ ମନା କରି ସିଧା ପୋଲିସ ଷ୍ଟେସନକୁ ଗଲା।
ଏହି ମାମଲା ହେଉଛି ଏଟାୱା ଜିଲ୍ଲାର ସିଭିଲ୍ ଲାଇନ୍ ପୋଲିସ୍ ଷ୍ଟେସନ ଅଞ୍ଚଳର । ଏଠାରେ ରହୁଥିବା ଜଣେ ଯୁବକ ସିଭିଲ୍ ଲାଇନ୍ ପୋଲିସ୍ ଷ୍ଟେସନରେ ପହଞ୍ଚି ତାଙ୍କ ସହିତ ବିବାହକୁ ନେଇ ଠକେଇ ହୋଇଥିବା ଅଭିଯୋଗ କରିଛନ୍ତି। ଯୁବକ ଜଣକ କହିଛନ୍ତି ଯେ ସେ ଅବିବାହିତ ଥିଲେ, ନିକଟସ୍ଥ କାଶ୍କା ନାଗଲାର କିଛି ଲୋକ ତାଙ୍କ ନିକଟକୁ ଯାଇ ବିବାହ କରିବାକୁ ପ୍ରସ୍ତାବ ଦେଇଥିଲେ। ଯୁବତୀଙ୍କୁ ଦେଖିବା ପରେ ସେ ରାଜି ହୋଇଥିଲେ । କିନ୍ତୁ ବିବାହ ଦିନ ସେହି ୨୦ ବର୍ଷୀୟ ଯୁବତୀ ବିବାହ ମଣ୍ଡପକୁ ନ ଆସି ଜଣେ ୫୦ ବର୍ଷୀୟ ବୃଦ୍ଧା ମହିଳା ବିବାହ ବେଦୀକୁ ଆସିଥିଲେ।
ଯୁବକ ଜଣକ ଆହୁରି ମଧ୍ୟ କହିଛନ୍ତି ଯେ, ଯୁବତୀଙ୍କ ଘରକୁ ବିବାହ ପାଇଁ ସେ ୫୦ ହଜାର ଟଙ୍କା ଦେଇଥିଲେ। ତେବେ ଯୁବକ ଜଣକ ନିଜ ସହିତ ହୋଇଥିବା ଏହି ଠକେଇକୁ ଦେଖିବା ପରେ ବର୍ତ୍ତମାନ ବିବାହ କରିବାକୁ ମନା କରିଦେଇଛନ୍ତି। ଆଉ ସେ ଦେଇଥିବା ୫୦ ହଜାର ଟଙ୍କା ଫେରସ୍ତ କରିବା ପାଇଁ ଯୁବତୀଙ୍କ ପରିବାର ଲୋକଙ୍କୁ ଧମକ ଦେଇଛନ୍ତି। ଆଉ ସେପଟେ ସେହି ୨୦ ବର୍ଷୀୟ ଯୁବତୀ ନିଜର ୨୨ ବର୍ଷୀୟ ବୟଫ୍ରେଣ୍ଡ ସହିତ ଫେରାର୍ ହୋଇଥିବା ସୂଚନା ମିଳିଛି।
