ସଂସ୍କାର : କେନ୍ଦ୍ର ସଡକ ପରିବହନ ଏବଂ ରାଜପଥ ମନ୍ତ୍ରୀ ନିତିନ୍ ଗଡକରୀ ଗତ ମାର୍ଚ୍ଚ ମାସରେ କହିଥିଲେ ଯେ ଜାତୀୟ ରାଜପଥରେ ୬୦ କିଲୋମିଟର ମଧ୍ୟରେ କୌଣସି ଟୋଲ ପ୍ଲାଜା ରହିବା ଉଚିତ ନୁହେଁ । ଆସନ୍ତା ତିନି ମାସ ମଧ୍ୟରେ ଏହା କାର୍ୟ୍ୟକାରୀ କରିବାକୁ ସେ କହିଥିଲେ।
ବର୍ତ୍ତମାନ ସେ ସମସ୍ତ ପୁରୁଣା ଗାଡିରେ ନୂଆ ନମ୍ବର ପ୍ଲେଟ୍ ଲଗାଇବାକୁ ଘୋଷଣା କରିଛନ୍ତି, ଯାହା ଦ୍ୱାରା ଜିପିଏସ୍ ଏବଂ ଅତ୍ୟାଧୁନିକ ବ୍ୟବହାର କରି ସେଟଲାଇଟ ମାଧ୍ୟମରେ ସିଧାସଳଖ ଗାଡି ଉପରେ ନଜର ରଖାଯାଇପାରିବ। ଏହି ପଦକ୍ଷେପ ଟୋଲ୍ ପ୍ଲାଜା ହଟାଇବା ଦିଗରେ ଏକ ପଦକ୍ଷେପ ଭାବରେ ବିବେଚନା କରାଯାଉଛି ।
୨୦୧୯ ରୁ ନୂତନ ଯାନ ପାଇଁ ଟ୍ୟାମ୍ପର-ପ୍ରୁଫ୍ ହାଇ-ସିକ୍ୟୁରିଟି ରେଜିଷ୍ଟ୍ରେସନ୍ ପ୍ଲେଟ୍ (HSRPs) ର ବ୍ୟବହାର ଆରମ୍ଭ କରାଯାଇଥିଲା, ଯେଉଁଠାରେ ସରକାରୀ ଏଜେନ୍ସିଗୁଡିକ ଯାନଗୁଡିକ ବିଷୟରେ ସମସ୍ତ ସୂଚନା ପାଇପାରିବେ । ବର୍ତ୍ତମାନ ପୁରୁଣା ଗାଡିଗୁଡ଼ିକୁ ମଧ୍ୟ ସମାନ ନମ୍ବର୍ ପ୍ଲେଟ୍ ଯୋଗାଇବାକୁ ଆମେ ନିଷ୍ପତ୍ତି ନେଇଛୁ ।
ବର୍ତ୍ତମାନ, ପରସ୍ପରଠାରୁ ୬୦ କିଲୋମିଟର ଦୂରରେ ଥିବା ଟୋଲ୍ ପ୍ଲାଜାରେ ମଧ୍ୟ ଆପଣଙ୍କୁ ସମ୍ପୂର୍ଣ୍ଣ ଦେୟ ଦେବାକୁ ପଡୁଥିଲା। କିନ୍ତୁ ବର୍ତ୍ତମାନ ଯଦି ଆପଣ ରାଜପଥକୁ ମାତ୍ର ୩୦ କିଲୋମିଟର ପାଇଁ ବ୍ୟବହାର କରନ୍ତି, ତେବେ ନୂତନ ଟେକ୍ନୋଲୋଜି ସାହାଯ୍ୟରେ ଆପଣଙ୍କୁ ଅଧା ମୂଲ୍ୟର ଦେୟ ଲାଗିବ ବୋଲି ମନ୍ତ୍ରୀ କହିଛନ୍ତି।
ପରିବହନ ମନ୍ତ୍ରୀ ଏହା ମଧ୍ୟ କହିଛନ୍ତି ଯେ ଖୁବ ଶୀଘ୍ର ଦେଶକୁ ଟୋଲ ପ୍ଲାଜାରୁ ମୁକ୍ତ କରିବା ପାଇଁ କେନ୍ଦ୍ର ସରକାର କାର୍ଯ୍ୟ କରୁଛନ୍ତି, ଯଦିଓ ଯୋଜନା ପ୍ରାରମ୍ଭିକ ପର୍ୟ୍ୟାୟରେ ଅଛି । ସେ କହିଛନ୍ତି, ଟୋଲ ପ୍ଲାଜାରେ ଯାନବାହନ ଚଳାଚଳ ବନ୍ଦ ହେବ ନାହିଁ ଏବଂ ପ୍ରଦୂଷଣ କମ୍ ହେବ ଏବଂ ଏହା ମଧ୍ୟ ସମୟ ସଞ୍ଚୟ କରିବ।
ନୂତନ ଟେକ୍ନୋଲୋଜି ସହିତ ଡ୍ରାଇଭରମାନଙ୍କ ବ୍ୟାଙ୍କ ଆକାଉଣ୍ଟରୁ ଟଙ୍କା ସିଧାସଳଖ କଟାଯାଇପାରିବ। ଭାରତରେ ପ୍ରାୟ ୯୭% ଯାନବାହନ FASTag ସହିତ ସଜ୍ଜିତ ହୋଇସାରିଛି ଏବଂ ୨୦୨୪ ଲୋକସଭା ନିର୍ବାଚନ ପୂର୍ବରୁ ଭାରତୀୟ ସଡ଼କଗୁଡ଼ିକର ଅବସ୍ଥା ଆମେରିକା ସହିତ ସମାନ ହେବ ବୋଲି ମନ୍ତ୍ରୀ ଗଡ଼କରୀ ସୂଚନା ଦେଇଛନ୍ତି।
