ସଂସ୍କାର : ଆଫଗାନିସ୍ତାନରେ ତାଲିବାନର ହିଂସାକାଣ୍ଡ ଯୋଗୁଁ ବିଗତ କିଛି ଦିନ ହେଲା ଆଫଗାନିସ୍ତାନରେ ରହୁଥିବା ଲୋକମାନେ ହଇରାଣ- ହରକତ୍ ହେଉଛନ୍ତି। ଅନ୍ୟପଟେ ଆଫଗାନିସ୍ତାନର ରାଜଧାନୀ କାବୁଲ ଉପରେ ତାଲିବାନ ନିଜର ଉପସ୍ଥିତି ଜାହିର କରିସାରିଛି। ତେଣୁ ବର୍ତ୍ତମାନ ଆଫଗାନିସ୍ତାନର ସ୍ଥିତି ଠିକ ନାହିଁ। ଏଠାରେ ବର୍ତ୍ତମାନ ହିଂସାତ୍ମକ ଗତିବିଧି ଦେଖାଦେଇଛି। ତେଣୁ ଏହି ହିଂସାକାଣ୍ଡକୁ ନଜରରେ ରଖି ଗତ ରବିବାର ଅର୍ଥାତ ଅଗଷ୍ଟ ୧୫ ସନ୍ଧ୍ୟାରେ ୧୨୯ ଜଣ ଯାତ୍ରୀଙ୍କୁ ସାଙ୍ଗରେ ଆଣି ଏୟାର ଇଣ୍ଡିଆର ଏକ ବିମାନ କାବୁଲରୁ ବାହାରି2 ଦିଲ୍ଲୀରେ ପହଂଚିଛି।
ଏୟାର ଇଣ୍ଡିଆର ଜଣେ ଅଧିକାରୀ ଜାତୀୟ ଗଣମାଧ୍ୟମକୁ କହିଛନ୍ତି ଯେ, ଏୟାରଲାଇନର ଦିଲ୍ଲୀ-କାବୁଲ-ଦିଲ୍ଲୀ ବିମାନ ଉଡାଣ ବାତିଲ ନେଇ ଏବେ କୌଣସି ଯୋଜନା କରାଯାଇନାହିଁ । ସୋମବାର ମଧ୍ୟ ଏହି ସେବା ଜାରି ରହିବ । ବର୍ତ୍ତମାନ ପରିପ୍ରେକ୍ଷୀରେ ଏୟାର ଇଣ୍ଡିଆ ଭାରତ ଓ ଆଫଗାନିସ୍ତାନ ମଧ୍ୟରେ ପରିଚାଳିତ ହେଉଛି।
