ଆନନ୍ଦ ମହିନ୍ଦ୍ରା ତାଙ୍କ ଟ୍ୱିଟର ଅନୁସରଣକାରୀଙ୍କୁ ତାଙ୍କୁ ଭଲପାଇବା ଓ ପ୍ରଶଂସା କରିବା ପାଇଁ ଦେଇଛନ୍ତି ଆଉ ଏକ କାରଣ । ଆନନ୍ଦଙ୍କ ଅନୁସରଣକାରୀଙ୍କ ସଂଖ୍ୟା ହେଉଛି ୭.୬ ନିୟୁତ । ବ୍ୟବସାୟ ଟାଇକୁନ୍ କୌତୁକିଆ, ଉତ୍ସାହଜନକ ଓ ପ୍ରେରଣାଦାୟକ କିଛି ବିଷୟବସ୍ତୁ ଟ୍ଵିଟରରେ ବାଣ୍ଟିବା ପାଇଁ ବେଶ ଜଣାଶୁଣା । ସେ ତାଙ୍କର #WhatsAppWonderbox ଟ୍ୱିଟ୍ ପାଇଁ ମଧ୍ୟ ପ୍ରସିଦ୍ଧ । ପ୍ରାୟ ସେ ତାଙ୍କ ଅନୁଗାମୀମାନଙ୍କୁ ଉତ୍ତର ଫେରାନ୍ତି ଯେଉଁମାନେ ତାଙ୍କୁ ଟ୍ଵିଟ କରନ୍ତି
ଏକ ଚମତ୍କାର ପଦକ୍ଷେପ ନେଇଥିବା ସମ୍ପ୍ରତ୍ତି ତାଙ୍କର ଏକ ଟ୍ଵିଟ ତାଙ୍କୁ ପ୍ରଶଂସାରେ ପୋତି ପକାଉଚି । ଏହି ଟ୍ଵିଟରେ ମହିନ୍ଦ୍ରା ଗ୍ରୁପ୍ର ଚେୟାରମ୍ୟାନ ଆନନ୍ଦ ମହିନ୍ଦ୍ରା କହିଛନ୍ତି ଯେ ସେମାନଙ୍କ କ୍ୟାଣ୍ଟିନଗୁଡ଼ିକ ବର୍ତ୍ତମାନ ପ୍ଲେଟରୁ କଦଳୀ ପତ୍ରକୁ ବଦଳିଯାଇଛି ।
Twitter.com
ଜଣେ ଅବସରପ୍ରାପ୍ତ ସାମ୍ବାଦିକ ପଦ୍ମ ରାମନାଥ ନୀଳରୁ ମେଲ ପଠାଇ ପରାମର୍ଶ ଦେଇଛନ୍ତି ଯେ ଯଦି ଆମ କ୍ୟାଣ୍ଟିନଗୁଡିକ କଦଳୀ ପତ୍ରକୁ ପ୍ଲେଟ ଭାବରେ ବ୍ୟବହାର କରନ୍ତି, ତେବେ ଏହା ଉତ୍ପାଦନ କରିବାରେ ଅସୁବିଧା ଭୋଗୁଥିବା କଦଳୀ ଚାଷୀଙ୍କୁ ସାହାଯ୍ୟ କରିବ । ଏ ପ୍ରସ୍ତାବକୁ ସେ ବାସ୍ତବରେ ରୂପାନ୍ତରଣ ବି କଲେ ବୋଲି ଆନନ୍ଦ ତାଙ୍କ ଟ୍ଵିଟ ମାଧ୍ୟମରେ କହିଛନ୍ତି ।
ଏକ ଘଣ୍ଟାରୁ କମ୍ ସମୟ ଭିତରେ ଏହି ଟ୍ୱିଟ୍ ଅନେକଙ୍କ ପ୍ରଶଂସା ଗୋଟେଇ ସାରିଥିଲା । ଏହି ପୋଷ୍ଟ ୧୦,୦୦୦ରୁ ଅଧିକ ଲାଇକ୍ ଏବଂ ୧,୮୦୦ରୁ ଅଧିକ ରିଟ୍ୱିଟ ହେଇଛି । ଲୋକମାନେ ଟ୍ୱିଟରରେ ଏହି ପଦକ୍ଷେପକୁ ଖୁବ ପ୍ରଶଂସା କରୁଛନ୍ତି । ମୁଁ ଏମିତି ଉପକାରକାରୀ ବ୍ୟବସାୟୀଙ୍କୁ ବେଶି ଦେଖିନି ଏବଂ ଆମ ଦେଶରେ ଆପଣଙ୍କ ପରି ଲୋକ ରହିବା ଭଲ ବୋଲି ଜଣେ ଟ୍ୱିଟର ବ୍ୟବହାରକାରୀ କହିଛନ୍ତି ।
