ପିପିଲି ଉପ-ନିର୍ବାଚନ ପାଇଁ ଆଜି ବିଜେଡ଼ି ଘୋଷଣା କରିଛି ୩୦ ଜଣିଆ ଷ୍ଟାର ପ୍ରଚାରକ ତାଲିକା । ସବୁଥିରେ ଆଗୁଆ ବିଜେପି ଏହି ପିପିଲି ଉପ-ନିର୍ବାଚନ ପାଇଁ ପ୍ରଥମେ ପ୍ରାର୍ଥୀଙ୍କ ନାଁ ଘୋଷଣା କରିଥିବା ବେଳେ ନାମାଙ୍କନ ମଧ୍ୟ ଅଗୁଆ ଭରିଛି । ଏମିତିକି ବିଜେପିର ଷ୍ଟାର ପ୍ରଚାରକ ତାଲିକା ମଧ୍ୟ ପ୍ରଥମେ ପ୍ରକାଶ ପାଇଥିଲା । ଆଜି ବିଜେଡ଼ି ସହିତ କଂଗ୍ରେସ ନିଜ ନିଜର ଷ୍ଟାର କ୍ୟାମ୍ପେନରଙ୍କ ତାଲିକା ଘୋଷଣା କରିଛନ୍ତି ।
ସୂଚନା ଅନୁସାରେ ଘୋଷଣା ହୋଇଥିବା ଷ୍ଟାର ପ୍ରଚାରକ ତାଲିକାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ (ଦଳର ସୁପ୍ରିମୋ) ୧ ନମ୍ବର ଷ୍ଟାର କ୍ୟାମ୍ପନର ସାଜିଛନ୍ତି ।
ତେବେ ବିଜେଡ଼ି ଦଳର ପ୍ରାର୍ଥୀ ରୁଦ୍ର ମହାରଥୀ ଏହି ତାଲିକା ଘୋଷଣା ପରେ ଆଶ୍ୱସ୍ତିକର ହୋଇଥିବେ ନିଶ୍ଚୟ । କାରଣ ନାମାଙ୍କନ ଭରିବା ଦିନ ରୁଦ୍ର ବାବୁ ଏବଂ ତାଙ୍କ ଶିବିର ଆଗ୍ରହ ପ୍ରକାଶ କରିଥିଲେ ଯେ ମୁଖ୍ୟମନ୍ତ୍ରୀ ନିଜେ ପିପିଲିରେ ନିର୍ବାଚନ ପ୍ରଚାର କରନ୍ତୁ । ବୋଧ ହୁଏ ତାଙ୍କ କଥା ରଖି ଦଳ ସୁପ୍ରିମୋ ଦଳୀୟ ପ୍ରାର୍ଥୀ ରୁଦ୍ରଙ୍କ ଷ୍ଟାର କ୍ୟାମ୍ପେନର ସାଜିଛନ୍ତି ।
