ଜୀବନରେ ଅନେକ ଥର ଏମିତି କିଛି ଘଟଣା ଘଟେ ଯାହା ଅବିଶ୍ଵାସନୀୟ । କିଛି ବ୍ୟକ୍ତି ସାମାନ୍ୟ ପଡ଼ି ବି ମୃତ୍ୟୁବରଣ କରନ୍ତି ଏବଂ କିଛି ଏମିତି ବି ଲୋକ ଅଛନ୍ତି ଯେଉଁମାନେ ମୃତ୍ୟୁକୁ ବି ଚକମା ଦିଅନ୍ତି ଯେମିତି କି ଭଗବାନ ତାଙ୍କ ପାଖରେ ବସିଛି । ଏପରି ଏକ ଆଶ୍ଚର୍ଯ୍ୟଜନକ ଏବଂ ଅବିଶ୍ୱସନୀୟ ଘଟଣାଟି ଭିଡ଼ିଓ ମାଧ୍ୟମରେ ଭାଇରାଲ ହେଉଛି । ଏହି ଭିଡ଼ିଓ ଦେଖି ଆପଣ ବି କହିବେ ଯେ ଯେତେବେଳେ ଭଗବାନ କାହା ଜୀବନ ବଞ୍ଚାନ୍ତି ସେ ସମୟରେ ସମସ୍ତ କାର୍ଯ୍ୟ ତାରି ସପକ୍ଷରେ ଘଟେ ।
ତେବେ ଏହି ଭିଡ଼ିଓଟି ଫେସବୁକରେ ନିଖୁଞ୍ଜ ସିଂ ନାମକ ଜଣେ ୟୁଜର ଶେୟାର କରିଛନ୍ତି । କିନ୍ତୁ ଭିଡ଼ିଓ ଦେଖିବା ପରେ, ଅନେକ ଲୋକଙ୍କ ବିଶ୍ଵାସ ଭଗବାନଙ୍କ ଉପରେ ବଢିଯାଇଛି । କେତେକଙ୍କୁ ତ ବିଶ୍ଵାସ ହିଁ ହେଉନି ଯେ ଏମିତି ଘଟି ଥାଇପାରେ ବୋଲି ।
ଭିଡ଼ିଓରେ ଆପଣ ଦେଖିପାରିବେ ଯେ ଏକ ଅଣ୍ଡରପାସ୍ ଅଛି । ଏଠାରେ ଅଣ୍ଡରପାସର ଡାହାଣ ପାର୍ଶ୍ୱରେ ଥିବା କାର ଆସି ଅଣ୍ଡରପାସ୍ ଭିତରକୁ ଯାଉଥିବା ବସ୍ ଉପରେ ପଡ଼ିଥାଏ । ଅଣ୍ଡରପାସ୍ ଭିତରକୁ ଯାଉଥିବା ବସ ଉପରେ ପଡ଼ିଯିବା ପରେ କାରଟି ବାଉନ୍ସ ହୋଇ ଅନ୍ୟ ପାର୍ଶ୍ୱରେ ଥିବା ଅଣ୍ଡରପାସ୍ ବାହାରକୁ ଯାଉଥିବା ଅନ୍ୟ ଏକ ବସ ଉପରେ ପଡ଼ିଛି । କିନ୍ତୁ ମାମଲା ଏଠାରେ ଶେଷ ହେଉନି । ଏଠାରେ ମଧ୍ୟ କାରଟି ବସରେ ବାଜି ଓହ୍ଲାଇ ଅଣ୍ଡରପାସର ଅନ୍ୟ ପାର୍ଶ୍ୱରେ ଥିବା ରାସ୍ତାକୁ ଚାଲିଯାଉଛି ।
ଏହାର ଅର୍ଥ ହେଉଛି ଏହି ଚମତ୍କାର କାର ଡ୍ରାଇଭର ଅଣ୍ଡରପାସ ବ୍ୟବହାର ନକରି ଗାଡ଼ି ଅତିକ୍ରମ ନକରି ଏକକାଳୀନ ଚାରୋଟି ରାସ୍ତା ଅତିକ୍ରମ କଲା । ଯଦିଓ କିଛି ଲୋକ ଏହାକୁ ସଂପାଦିତ ଏବଂ କୃତ୍ରିମ ବୋଲି କହୁଛନ୍ତି ଏବଂ କିଛି ଲୋକ କୁହନ୍ତି ଯେ ଏହା ସତ ହୋଇଥିଲେ ମଧ୍ୟ ବିଶ୍ୱାସ କରିବା କଷ୍ଟକର । ସ୍ଵାଭାବିକ ଭାବେ ଲୋକଙ୍କ ମନରେ ପ୍ରଶ୍ନ ଆସୁଛି ଯେ ଏକାସାଙ୍ଗରେ ଏତେ ସଂଖ୍ୟକ ସଂଯୋଗ କିପରି ହୋଇପାରେ !
