ସଂସ୍କାର : ଗତ କିଛି ଦିନ ଧରି ଦେଶରେ ସୁନା ସହିତ ରୂପା ଦର ଦ୍ରୁତ ଗତିରେ ବଢିବାରେ ଲାଗିଛି । ଲୋକମାନେ ବିବାହ ଉତ୍ସବ ପୂର୍ବରୁ ଏହାକୁ କିଣୁଛନ୍ତି । ତେବେ କାରିଗରୀଙ୍କ କହିବାନୁଯାୟୀ ଗତ ଦିନ ଅନୁସାରେ ଏବେ ବହୁତ ଅର୍ଡର ମିଳୁଛି । ଲୋକମାନେ ବହୁତ ପରିମାଣରେ ସୁନା ଓ ରୂପା ଗହଣା ତିଆରି କରୁଛନ୍ତି ଆଉ କିଣୁଛନ୍ତି ମଧ୍ୟ ।
ଏହାସହିତ ଏହି ଅଳଙ୍କାର କାରିଗରୀଙ୍କ କହିବାନୁଯାୟୀ ସୁନା କିଣାବିକାରେ ଏକ ନୂଆ ଟ୍ରେଣ୍ଡ ଦେଖିବାକୁ ମିଳିଛି । ବଜାରରେ ୨୨ ଓ ୨୩ କ୍ୟାରେଟ ଜାଗାରେ ୧୮ କ୍ୟାରେଟର ସୁନା ତିଆରି କରିବାକୁ କହୁଛନ୍ତି ଗ୍ରାହକ । ସୁନା ଦର ବଢିବା ଯୋଗୁଁ ଏଭଳି ଅର୍ଡର ଆସୁଥିବା ସେମାନେ କହିଛନ୍ତି।
ବ୍ୟବସାୟୀ କହିଛନ୍ତି ଯେ ବର୍ତ୍ତମାନ ଆସୁଥିବା ଅର୍ଡରରେ ୧୮ କ୍ୟାରେଟ୍ ସୁନା ଅଳଙ୍କାର ପାଇଁ ଅଧିକ ଚାହିଦା ଅଛି। ବ୍ୟବସାୟୀମାନେ କହିଛନ୍ତି ଯେ ୧୦ ଗ୍ରାମରେ ୨୨ କ୍ୟାରେଟ୍ ଏବଂ ୧୮ କ୍ୟାରେଟ୍ ସୁନାରେ ୨୦ ପ୍ରତିଶତ ପର୍ଯ୍ୟନ୍ତ ପାର୍ଥକ୍ୟ ଅଛି। ଯଦି ଜଣେ ସାଧାରଣ ପରିବାର ବିବାହ ଉତ୍ସବରେ ଚାରି ରୁ ପାଞ୍ଚ ଲକ୍ଷ ମୂଲ୍ୟର ଅଳଙ୍କାର କିଣନ୍ତି। ଯାହାର ଓଜନ ୭୦ ରୁ ୮୦ ଗ୍ରାମ ଅଟେ। ଯେତେବେଳେ ସେ ଏହାକୁ ୨୨ କ୍ୟାରେଟ୍ ବଦଳରେ ୧୮ କ୍ୟାରେଟ୍ ରେ ନିଅନ୍ତି, ସେତେବେଳେ ସେ ୭୦ ହଜାର ରୁ ୮୦ ହଜାର ଟଙ୍କା ସଞ୍ଚୟ କରନ୍ତି।
ବର୍ତ୍ତମାନ, ୨୪ କ୍ୟାରେଟ୍ ସୁନାର ସର୍ବଶେଷ ମୂଲ୍ୟ ୧୦ ଗ୍ରାମ ପିଛା ୫୩,୨୨୦ ଟଙ୍କା, ୧୦ ଗ୍ରାମ ୨୩ କ୍ୟାରେଟ୍ ସୁନା ୫୩,୦୦୭ ଟଙ୍କା, ୧୦ ଗ୍ରାମ ୨୨ କ୍ୟାରେଟ୍ ସୁନା ୪୮,୭୫୦ ଟଙ୍କା, ୧୮ କ୍ୟାରେଟ୍ ସୁନା ୧୦ ଗ୍ରାମ ପ୍ରତି ୩୯,୯୧୮ଟଙ୍କା ରହିଛି।
