ଦିଲ୍ଲୀକୁ ଲାଗିଥିବା ଗାଜିଆବାଦରେ ଆଜି ଘଟିଯାଇଛି ଗୋଟିଏ ବଡ଼ ଦୁର୍ଘଟଣା । ମୁରାଦନଗରର ଶବଦାହ ଘାଟ କମ୍ପ୍ଲେକ୍ସରେ ଗ୍ୟାଲେରୀର ଛାତ ଭୁଶୁଡ଼ି ପଡ଼ିବାରୁ ୧୮ ଜଣ ଲୋକଙ୍କର ମୃତ୍ୟୁ ହୋଇଛି । ଏବେ ବି କିଛି ଲୋକ ମାଟି ତଳେ ଦବି ରହିଥିବା ବେଳେ ପ୍ରାୟ ୨୦ ଜଣଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରାଯାଇଛି । ବର୍ତ୍ତମାନ ମଧ୍ୟ ଗାଜିଆବାଦ ପୋଲିସ ଏବଂ ଏନଡିଆରଏଫ ଟିମ୍ ଘଟଣାସ୍ଥଳରେ ଉପସ୍ଥିତ ରହି ଉଭୟ ରିଲିଫ ତଥା ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।
ଖବର ମୁତାବକ ଆଜି ସକାଳୁ ପୁଣି ଦିଲ୍ଲୀ ଏନସିଆରରେ ଘଡ଼ଘଡ଼ି ସହିତ ଝିପି ଝିପି ବର୍ଷା ଲାଗି ରହିଛି । ମୁରାଦନଗର ପୋଲିସ ଷ୍ଟେସନ ପରିସରରେ ଥିବା ଉକ୍ରାନି / ବାମ୍ବା ରୋଡରେ ଥିବା ଶବଦାହ ପାଇଁ ଭିକେଟା ଜୟରାମ (ବୟସ ୬୫ ବର୍ଷ) ରେ ପ୍ରାୟ ୪୦ ଜଣ ଲୋକ ଆସିଥିଲେ । ଅନ୍ତିମ ସଂସ୍କାର ପରେ ଏହି ସମସ୍ତ ଲୋକ ଶବଦାହ ପାଇଁ ଫାଟକ ନିକଟରେ ଥିବା ଗ୍ୟାଲେରୀରେ ଏକାଠି ହୋଇଥିଲେ ଯେଉଁ ସମୟରେ ଏହି ଦୁର୍ଘଟଣା ଘଟିଥିଲା ।
ସୂଚନା ଥାଉ ଯେ ଅଢେଇ ମାସ ତଳେ ନିର୍ମାଣ ହୋଇଥିବା ଶ୍ମଶାନ ଘାଟରେ ପ୍ରାୟ ୨୦ରୁ ଅଧିକ ଲୋକ ଉପସ୍ଥିତ ଥିଲେ । ବର୍ଷା ହେତୁ ଗ୍ୟାଲେରୀର ଛାତ ଭୁଶୁଡ଼ି ଯାଇଥିବା ସ୍ଥାନୀୟ ପ୍ରଶାସନ ପକ୍ଷରୁ କୁହାଯାଇ ଥିବାବେଳେ ଏହି ଘଟଣାକୁ ନେଇ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଶୋକ ପ୍ରକାଶ କରିଛନ୍ତି । ଉଦ୍ଧାର କାର୍ଯ୍ୟ ଜୋରଦାର କରିବା ପାଇଁ ଜିଲ୍ଲାପାଳ ସହିତ ପୋଲିସ ଉଚ୍ଚ ଅଧିକାରୀଙ୍କୁ ମଧ୍ୟ ନିର୍ଦ୍ଦେଶ ଦେଇଛନ୍ତି ।
