ଗୁରୁବାର ସନ୍ଧ୍ୟାରେ ଆରଜେଡି ସଭାପତି ତଥା ବିହାରର ପୂର୍ବତନ ମୁଖ୍ୟମନ୍ତ୍ରୀ ଲାଲୁ ପ୍ରସାଦଙ୍କ ସ୍ୱାସ୍ଥ୍ୟ ହଠାତ୍ ଖରାପ ହୋଇଯାଇଛି ବୋଲି ସୂଚନା ମିଳିଛି । ତେବେ ବର୍ତ୍ତମାନ ତାଙ୍କ ସ୍ୱାସ୍ଥ୍ୟବସ୍ଥା ସ୍ଥିର ହୋଇଛି ବୋଲି ଡାକ୍ତର କହିଛନ୍ତି । ରାଜେନ୍ଦ୍ର ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସ (RIMS) ରେ ଲାଲୁ ଚାରା ଘୋଟାଲା ମାମଲାରେ ଜେଲ ଦଣ୍ଡ ଭୋଗୁଥିଲାବେଳେ ତାଙ୍କୁ ଶ୍ଵାସକ୍ରିୟାରେ ସମସ୍ୟା ହେବାରୁ ତୁରନ୍ତ ପେଇଂ ୱାର୍ଡ କମ୍ପ୍ଲେକ୍ସକୁ ପଠାଯାଇଥିଲା ବୋଲି RIMSର ବରିଷ୍ଠ ଡାକ୍ତର ଜଣେଇଛନ୍ତି ।
ଘଟଣାର ତଦାରଖ ପାଇଁ ଝାଡ଼ଖଣ୍ଡର ସ୍ୱାସ୍ଥ୍ୟମନ୍ତ୍ରୀ ବନ୍ନା ଗୁପ୍ତା ମଧ୍ୟ ଡାକ୍ତରଖାନାରେ ପହଞ୍ଚିଥିଲେ । ଡାକ୍ତରମାନଙ୍କର ଏକ ବହୁ-ଅନୁଶାସନିକ ଦଳ ଲାଲୁଙ୍କୁ ପରୀକ୍ଷା କରିଥିଲେ ।
RIMS ନିର୍ଦ୍ଦେଶକ ଡାକ୍ତର କାମେଶ୍ୱର ପ୍ରସାଦ କହିଛନ୍ତି ଯେ ଲାଲୁଙ୍କ ସ୍ୱାସ୍ଥ୍ୟବସ୍ଥା ଏବେ ସ୍ଥିର ଅଅଛି ଏବଂ ଉତ୍ତମ ଯାଞ୍ଚ ପାଇଁ ଆମେ କିଛି ପରୀକ୍ଷା କରିଛୁ । ସେ ଶ୍ଵାସ ସମସ୍ୟାର ସମ୍ମୁଖୀନ ହେଇଥିଲେ ଏବଂ ନିମୋନିଆରେ ଆକ୍ରାନ୍ତ ହୋଇଛନ୍ତି ବୋଲି ଜଣାପଡ଼ିଛି । ତାଙ୍କର ଦ୍ରୁତ ଆଣ୍ଟିଜେନ୍ ପରୀକ୍ଷା ରିପୋର୍ଟ ନେଗେଟିଭ୍ ଆସିଥିବା ବେଳେ ଆରଟି- PCR ପରୀକ୍ଷା ମାଧ୍ୟମରେ ତାଙ୍କ ନମୁନାକୁ ନିଶ୍ଚିତକରଣ ପାଇଁ ପଠାଯାଇଛି । ଶୁକ୍ରବାର ଦିନ ରିପୋର୍ଟ ମିଳିଲା ପରେ ସେ କୋଭିଡ଼ ସଂକ୍ରମଣ ହୋଇଛନ୍ତି କି ନା ଜଣାପଡ଼ିବ ।
