ଝାରଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନ ଗତକାଲି ଶୁକ୍ରବାର ଦିନ ଗୋଟିଏ ବଡ଼ ନିଷ୍ପତ୍ତି ନେଇଛନ୍ତି । କରୋନା ଭାଇରସର ସଂକ୍ରମଣ ଦିନକୁ ଦିନ ବଢିବାରେ ଲାଗିଛି ଓ ତା ମୁକାବିଲା କରିବାକୁ ଯାଇ ଲକ୍ଡାଉନ୍ ଅବଧିକୁ ଜୁଲାଇ ୩୧ ତାରିଖ ଯାଏଁ ବଢାଇ ଦେଇଛନ୍ତି ସରକାର ।
ମୁଖ୍ୟମନ୍ତ୍ରୀ ସୋରେନ୍ ଟ୍ଵିଟ୍ କରି ସୂଚନା ଦେଇଛନ୍ତି ଯେ କରୋନା ସହିତ ସଂଗ୍ରାମରେ ଆପଣମାନଙ୍କ ସହଯୋଗରେ, ଆମେ ଏପର୍ଯ୍ୟନ୍ତ ଆଶା କରିଥିବା ସଫଳତା ପାଇପାରିଛୁ । ତଥାପି ସଂଗ୍ରାମ ଜାରି ରହିଛି ଏବଂ ପରିସ୍ଥିତିର ଗମ୍ଭୀରତାକୁ ଦୃଷ୍ଟିରେ ରଖି ରାଜ୍ୟ ସରକାର ଜୁଲାଇ ୩୧ ପର୍ଯ୍ୟନ୍ତ ଲକ୍ଡାଉନ୍ କରିବାକୁ ନିଷ୍ପତ୍ତି ନେଇଛନ୍ତି । ଆଉ ହଁ, ପୂର୍ବରୁ କଟକଣାରେ କରାଯାଇଥିବା କୋହଳ ଆଗକୁ ବି ଜାରି ରହିବ ।
