ସଂସ୍କାର : ପ୍ରତିଦିନ ସୋସିଆଲ୍ ମିଡ଼ିଆରେ କିଛି ନା କିଛି ଭିଡ଼ିଓ ଓ ଫୋଟ ଖୁବ୍ ଭାଇରାଲ୍ ହୋଇଥାଏ। ସେ ମନୁଷ୍ୟର ହେଉ ଅବା ଜୀବଜନ୍ତୁ ଓ ଉଦ୍ଭିଦଜଗତର। ସୋସିଆଲ୍ ମିଡ଼ିଆରେ ଯଦି କୌଣସି ଏକ ଖବର ୟୁଜରମାନଙ୍କୁ ଭଲ ଲାଗେ ତେବେ ତାହା ନିଆଁ ଭଳି ଭାଇରାଲ୍ ହୋଇଯାଏ।
ସମ୍ପ୍ରତି ଇଣ୍ଟରନେଟରେ ଏକ ଭିଡିଓ ସାମ୍ନାକୁ ଆସିଛି। ଯେଉଁଥିରେ ସିଂହର ପୁରା ପରିବାର ଆମ ଦେଶର ଏକ ପ୍ରତିଷ୍ଠିତ ରାସ୍ତାରେ ବୁଲୁଥିବାର ଦେଖାଯାଉଛି। ଆଉ ସୋସିଆଲ ମିଡିଆରେ ଏହି ଭିଡ଼ିଓକୁ ବହୁତ ପସନ୍ଦ କରାଯାଉଛି। ତେବେ ଏହି ରାସ୍ତାଟି ଗୁଜୁରାଟ ରାଜ୍ୟର ବୋଲି ଜଣାପଡିଛି। ଏହା ଜାଣିବା ପରେ ଲୋକମାନେ ଏହା ଉପରେ ଭଲ ଭଲ ପ୍ରତିକ୍ରିୟା ଦେଉଛନ୍ତି। ଯେଉଁଠାରେ କିଛି ଲୋକ ଭୟଭୀତ ଇମୋଜି ମାଧ୍ୟମରେ ନିଜର ପ୍ରତିକ୍ରିୟା ପ୍ରକାଶ କରୁଛନ୍ତି। ଏଥିସହ କିଛି ଲୋକ ଚିନ୍ତା ପ୍ରକଟ କରିଛନ୍ତି ଯେ ଖାଦ୍ୟ ଅନ୍ୱେଷଣରେ ସିଂହର ପରିବାରକୁ ସହରରେ ବୁଲିବାକୁ ପଡିଛି ।
ଏହି ଭିଡିଓଟି ‘ ଓଲ୍ଡ ମୁମ୍ବାଇ ‘ ନାମକ ଟ୍ୱିଟର ପୃଷ୍ଠାରେ ସେୟାର କରାଯାଇଛି। ଭିଡିଓରେ ଏହା ଦେଖିବାକୁ ମିଳୁଛି ଯେ, ଆମ୍ରେଲିର ପିପାଭାଭ ଜେଟି ରୋଡରେ ୫ ଟି ସିଂହ ଏକ ଦଳ ହୋଇ ବୁଲୁଛନ୍ତି। ଏମାନଙ୍କ ମଧ୍ୟରେ ସିଂହ ଏବଂ ସିଂହୀ, ଦୁଇ ଛୋଟ ସିଂହ ଛୁଆ ମଧ୍ୟ ତାଙ୍କ ସହିତ ଅଛନ୍ତି। ସିଂହ ଗୁଡିକ ରାସ୍ତାରେ ବୁଲୁଥିବାର ଭିଡ଼ିଓ ସୋସିଆଲ ମିଡିଆରେ ଭାଇରାଲ୍ ହେବାରେ ଲାଗିଛି।
ଏଥିରୁ ସ୍ପଷ୍ଟ ହେଉଛି ଯେ ସିଂହର ସମସ୍ତ ପରିବାର ଖାଦ୍ୟ ଅନ୍ୱେଷଣରେ ସହରରେ ବୁଲୁଛନ୍ତି। ଏଭଳି ପରିସ୍ଥିତିରେ ସିଂହ ସହରର ରାସ୍ତାରେ ବୁଲୁଥିବା ଖବର ଆଖପାଖ ଅଞ୍ଚଳରେ ନିଆଁ ପରି ବ୍ୟାପିଛି। ଯାହା ପରେ ଲୋକମାନେ ସଙ୍ଗେ ସଙ୍ଗେ କାର୍ଯ୍ୟାନୁଷ୍ଠାନ ଗ୍ରହଣ କରି ଜଙ୍ଗଲ ଅଧିକାରୀଙ୍କୁ ଏ ବିଷୟରେ ଅବଗତ କରାଇଥିଲେ। ଏହି ଘଟଣାର ନୋଟିସକୁ ଆସିବା ପରେ ଜଙ୍ଗଲ ଅଧିକାରୀମାନେ ଘଟଣାସ୍ଥଳରେ ପହଞ୍ଚି ସିଂହମାନଙ୍କୁ ନିଜ ଆୟତ୍ତ କରିଥିଲେ।
