ସଂସ୍କାର : ଭାରତର ପୂର୍ବତନ ପ୍ରଧାନମନ୍ତ୍ରୀ ଅଟ୍ଟଳ ବିହାରୀ ବାଜପେୟୀଙ୍କ ୯୮ତମ ଜନ୍ମ ବାର୍ଷିକୀ ଅବସରରେ ସାମ୍ନାକୁ ଆସିଛି ‘ମେଁ ଅଟଲ ହୁଁ’ର ପୋଷ୍ଟର। ବାଜପେୟୀଙ୍କ ଜୀବନ କାହାଣୀ ଉପରେ ଆଧାରିତ ଏହି ଚଳଚ୍ଚିତ୍ରରେ ପଙ୍କଜ ତ୍ରିପାଠୀ ମୁଖ୍ୟ ଭୂମିକାରେ ଅଭିନୟ କରିଛନ୍ତି।
ପୋଷ୍ଟରରେ ପଙ୍କଜଙ୍କ ଭିନ୍ନ ତଥା ନିଆରା ଠାଣି ଦେଖିବାକୁ ମିଳିଛି। ଏଥିରେ ତାଙ୍କୁ ଚିହ୍ନିବା ମଧ୍ୟ କଷ୍ଟକର।ପୋଷ୍ଟରରେ ପଙ୍କଜ ଠିକ୍ ବାଜପେୟୀଙ୍କ ଭଳି ଦେଖାଯାଉଛନ୍ତି। ଜାତୀୟ ପୁରସ୍କାରପ୍ରାପ୍ତ ନିର୍ଦ୍ଦେଶକ ରବି ଯାଦବଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ରର କାହାଣୀ ରଚନା କରିଛନ୍ତି ଉତ୍କର୍ଷ ନୈଥାନୀ। ୨୦୨୩ ମସିହା ଡିସେମ୍ବର ମାସରେ ପରଦାକୁ ଆସିବ ‘ମେଁ ଅଟଲ ହୁଁ’।
