ଦୁନିଆରେ ମଧ୍ୟ ଏପରି ଏକ ସ୍ଥାନ ଅଛି ଯେଉଁଠାରେ ପ୍ରତ୍ୟେକ ବ୍ୟକ୍ତିଙ୍କୁ ବଞ୍ଚିବା ପାଇଁ ପ୍ରଥମେ ନିଜ ଶରୀରର ଏକ ଅଂଶ ହଟେଇବାକୁ କିମ୍ବା କାଟିବାକୁ ପଡ଼େ । ଯଦି କୌଣସି ବ୍ୟକ୍ତି ଏହା କରିବାକୁ ମନା କରନ୍ତି, ସେ କେଉଁ ପଦବୀରେ ଥାଉ ନା କାହିଁକି ତାଙ୍କୁ ସେଠାରେ ରହିବାକୁ ଅନୁମତି ଦିଆଯାଇନଥାଏ । ଏହି ନିୟମ ସେହି ଅଞ୍ଚଳର ଯେକୌଣସି ଆଇନଗତ ସର୍ତ୍ତ ପରି, ଯେଉଁଥିରେ କେବଳ ପ୍ରବେଶ ଅନୁମତି ଦିଆଯାଏ ।
ତୁଷାର ପାହାଡ଼ ଘେରା ଆଣ୍ଟାର୍କଟିକାର ଗାଁ ଭିଲାସ୍ ଲାସ୍ ଏଷ୍ଟ୍ରେଲାସ୍ । ଦୀର୍ଘ ଦିନ ଧରି ଏହି ଗାଁରେ ରହୁଥିବା ଲୋକଙ୍କ ପାଇଁ ସର୍ତ୍ତ ହେଉଛି ଯେ ସେମାନଙ୍କୁ ଆପେଣ୍ଡିକ୍ସ ଅପରେସନ୍ କରିବାକୁ ପଡ଼ିବ । ପ୍ରାୟ ୧୦୦ ଲୋକ ବାସ କରୁଥିବା ଏହି ଗାଁର ନିୟମ ଏତେ କଠୋର ଯେ ବୈଜ୍ଞାନିକଠାରୁ ଆରମ୍ଭ କରି ସେନା ଅଧିକାରୀ ଏବଂ ସେମାନଙ୍କ ପରିବାର ପର୍ଯ୍ୟନ୍ତ ଏହି ନିୟମ ପାଳନ କଲେ ଯାଇ ସେମାନଙ୍କୁ ଏହି ଗାଁରେ ପ୍ରବେଶ ଅନୁମତି ଦିଆଯାଏ ।
ତେବେ ଏମିତି ଏକ ନିୟମ ତିଆରି କରିବା ପଛରେ ଏକ ବଡ଼ ଅସହାୟତା ହେଉଛି ନିକଟରେ କେଉଁଠି ବି ହସ୍ପିଟାଲଟିଏ ନାହିଁ । ସେହି ଗାଁରୁ ସବୁଠାରୁ ନିକଟତମ ହସ୍ପିଟାଲ ବି ହଜାରେ କିଲୋମିଟର ଦୂରରେ ଥିବା କିଙ୍ଗ ଜର୍ଜ ଦ୍ୱୀପରେ । ଏହି ହସ୍ପିଟାଲରେ ପହଞ୍ଚିବା ପାଇଁ ବରଫ ଆଚ୍ଛାଦିତ ପାହାଡ ଏବଂ ବିପଜ୍ଜନକ ରାସ୍ତା ଦେଇ ଯିବାକୁ ପଡିବ । ସେଠାରେ କେବଳ ଅଳ୍ପ କିଛି ଡାକ୍ତର ଅଛନ୍ତି ଯେଉଁଥିରେ କି କୌଣସି ସର୍ଜନ ନାହାଁନ୍ତି । ଏପରି ପରିସ୍ଥିତିରେ, ଯଦି କେହି ଆପେଣ୍ଡିକ୍ସ ଯନ୍ତ୍ରଣା ଭୋଗନ୍ତି, ତେବେ ତାଙ୍କ ଜୀବନ ହରାଇବାର ଭୟ ଅଛି ଯେଉଁଥିପାଇଁ ଏହି ନିୟମ ପ୍ରସ୍ତୁତ କରାଯାଇଛି ।
ସୂଚନାନୁସାରେ ଏହି ଗାଁରେ ଚିଲିର ସେନା, ବୈଜ୍ଞାନିକ ଏବଂ ଡାକ୍ତରମାନେ ମଝି ମଝିରେ ଆସନ୍ତି । ସେମାନଙ୍କୁ ଅନେକ ବର୍ଷ ପର୍ଯ୍ୟନ୍ତ ସେନା ରୂପରେ ରହିବାକୁ ପଡ଼େ ଯେଉଁ କାରଣରୁ ତାଙ୍କ ସହିତ ତାଙ୍କ ପୁରା ପରିବାର ମଧ୍ୟ ଆସନ୍ତି । ଏଭଳି ପରିସ୍ଥିତିରେ ସତର୍କତା ଅବଲମ୍ବନ କରାଯାଏ ଯେ ଯେପରି ଆସୁଥିବା ଲୋକମାନେ ସମ୍ପୂର୍ଣ୍ଣ ସୁସ୍ଥ ଏବଂ କୌଣସି ପ୍ରକାରର ଜରୁରୀକାଳୀନ ପରିସ୍ଥିତି ନଉପୁଜେ । ଏହା କ୍ରମରେ ସେମାନଙ୍କର ବି ଆପେଣ୍ଡିକସ କାଢି ଦିଆଯାଏ । କେବଳ ଏତିକି ନୁହେଁ, ପରିବାର ସହିତ ରହୁଥିବା ବୈଜ୍ଞାନିକ ଏବଂ ସାମରିକ ଭିତ୍ତିରେ ପରାମର୍ଶ ଦିଆଯାଇଛି ଯେ ପରିବାରର ମହିଳାମାନେ ଗର୍ଭବତୀ ହେବା ଉଚିତ୍ ନୁହେଁ କାରଣ ଚିକିତ୍ସା ସୁବିଧା ଅଭାବରୁ ବିପଦଜନକ ହୋଇପାରେ । ଯଦିଓ ଏହାକୁ ନେଇ କିଛି ଲିଖିତ ଆଦେଶ ନାହିଁ ।
