କୁହାଯାଏ ଯେ ସାହସ ଏବଂ ଉତ୍ସାହ ହିଁ ଯୁଦ୍ଧରେ ବିଜୟ ହାସଲ କରି ହୁଏ, ଯାହା ପାଇଁ ଶକ୍ତି କିମ୍ବା ନାଁ କୌଣସି ଗୁରୁତ୍ୱ ରଖେନା । ଏହିଭଳି ଏକ ଭିଡ଼ିଓ ସାମ୍ନାକୁ ଆସିଛି ଯାହା ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ତେବେ ଭିଡ଼ିଓଟିରେ ଦେଖିବାକୁ ମିଳିଛି ଯେ ଗୋଟିଏ ସାପ ଏବଂ ଗୁଣ୍ଡୁଚି ମୂଷା ଭିତରେ ଭୟଙ୍କର ଲଢେଇ । ସାଧାରଣତଃ ଦେଖାଯାଏ ଯେ ସାପ ତା’ ଠାରୁ ଛୋଟ ହେଉ କି ବଡ଼ ଜନ୍ତୁ କିନ୍ତୁ ଶିକାର କରି ନିଜର ଖାଦ୍ୟ ବନାଏ । କିନ୍ତୁ ଏଠାରେ ଘଟିଛି ଠିକ୍ ଓଲଟା ।
ଭାଇରାଲ ହେଉଥିବା ଏହି ଭିଡ଼ିଓ ଆପଣ ଦେଖିପାରିବେ କିପରି ଗୋଟିଏ ଗୁଣ୍ଡୁଚିକୁ ଦେଖି ସାପ ପାଟିରୁ ଲାଳ ବାହାରୁଛି । ତାକୁ ଖାଇବାକୁ ସେ ବାହାରି ପଡୁଛି । ଗୁଣ୍ଡୁଚି ମୂଷା ମଧ୍ୟ ସାପକୁ ଦେଖିଲା ଏବଂ ବୋଧହୁଏ ସେ ଅପେକ୍ଷା କରିଥିଲା କେତେବେଳେ ସାପଟି ତା’ ଉପରକୁ ଆକ୍ରମଣ କରିବ ଆଉ ସେ ସୁଝିବ ତାର ଆକ୍ରୋଶ । ତେବେ ପ୍ରଥମେ ସାପ ଗୁଣ୍ଡୁଚିକୁ ଆକ୍ରମଣ କରୁଛି ।
ହେଲେ କୌଣସି ମତେ ଗୁଣ୍ଡୁଚି ନିଜର ଜୀବନ ବଞ୍ଚେଇବାରେ ସଫଳ ହୋଇଛି । ଯେତେବେଳେ ବାରମ୍ବାର ସାପଟି ଗୁଣ୍ଡୁଚିକୁ ଆକ୍ରମଣ କରି ନିଜର ଶିକାର କରିବାକୁ ଚେଷ୍ଟା କରିଛି ଗୁଣ୍ଡୁଚି ଚତୁରତା ଦେଖାଇ ତାକୁ ବିଫଳତାର ସ୍ଵାଦ ଚଖାଇଛି । ସାପ ପୁଣିଥରେ ପୁରା ବଳ ଲଗାଇ ଗୁଣ୍ଡୁଚି ଉପରକୁ ଆକ୍ରମଣ କରୁଛି ଏବଂ କରି ବସୁଛି । ଏଥର ଗୁଣ୍ଡୁଚି ସାପର ଫଣାକୁ ଧରି ପକାଉଛି ଏବଂ ଜୋର କରି ଦବେଇବାକୁ ଚେଷ୍ଟା କରୁଛି । ଫଳରେ ସାପର ଫାଟି ଚିରି ହେଇଯାଉଛି । ଏହାପରେ ଗୁଣ୍ଡୁଚି ଯାହା କରୁଛି ତାହା କେବଳ ଆଶ୍ଚର୍ଯ୍ୟ କରିବନି ବରଂ ଆପଣଙ୍କୁ ହସେଇବ ମଧ୍ୟ ।
ସାପର ପାଟି ଚିରି ହେଇଯିବା ପରେ ଗୁଣ୍ଡୁଚିଟି ବାରମ୍ବାର ସାପର ପାଟିରେ ନିଜର ମୁହଁ ଘଷିବାରେ ଲାଗିଛି । କେବଳ ଏତିକି ନୁହେଁ, ଭିଡ଼ିଓଟି ପୁରା ଦେଖିଲା ପରେ ଆପଣ ଜାଣିପାରିବେ ଯେ ସାପଟିର ଶେଷରେ ମୃତ୍ୟୁ ହୋଇଛି ।
