ସଂସ୍କାର : ଚଳିତ ବିଶ୍ୱବ୍ୟାଙ୍କ ରିପୋର୍ଟ ସମସ୍ତଙ୍କୁ ଚମକାଇଦେଇଛି । ଏହି ରିପୋର୍ଟ ମୁତାବକ ଭାରତର ଦାରିଦ୍ର୍ୟ ୮ ବର୍ଷ ମଧ୍ୟରେ ଅଧାରୁ ଅଧିକ ହ୍ରାସ ପାଇଛି । ସରକାରଙ୍କ ଯୋଜନା ଯୋଗୁଁ ପରିସ୍ଥିତି ବଦଳି ଯାଇଛି ବୋଲି ରିପୋର୍ଟରେ ଦାବି କରାଯାଇଛି ।
ଏହି ରିପୋର୍ଟ ଅନୁଯାୟୀ ୮ ବର୍ଷ ମଧ୍ୟରେ ଭାରତର ଦାରିଦ୍ର୍ୟ ୧୨.୩ ପ୍ରତିଶତ ହ୍ରାସ ଘଟିଛି । ୨୦୧୧ରେ ଦାରିଦ୍ର୍ୟ ହାର ୨୨.୫ ଥିଲାବେଳେ ୨୦୧୫ରେ ଏହା ୧୯.୧ ପ୍ରତିଶତକୁ ଖସିଥିଲା । ୨୦୧୯ରେ ଅତ୍ୟଧିକ ଦାରିଦ୍ର୍ୟ ହାର ୧୦ ପ୍ରତିଶତରେ ରହିଲା । ୨୦୧୧ରୁ ୨୦୧୫ ମଧ୍ୟରେ ଅତି ଦାରିଦ୍ର୍ୟ ହାର ୩.୪ ପ୍ରତିଶତ ହ୍ରାସ ପାଇଛି ।
୨୦୧୫ଚୁ ୨୦୧୯ ମଧ୍ୟରେ ଅତି ଦାରିଦ୍ର୍ୟ ହାର ୯.୧ ପ୍ରତିଶତ ହ୍ରାସ ପାଇଛି । ୨୦୧୧ଓ ୨୦୧୯କୁ ତୁଳନା କରାଯାଏ, ତେବେ ଏହି ସମୟ ଭାରତରେ ଦାରିଦ୍ର୍ୟ ହାର ଅଧାରୁ ଅଧିକ ହ୍ରାସ ପାଇଛି । ଯାହା ୧୨.୩ ପ୍ରତିଶତ ହ୍ରାସ ପାଇଛି । ରିପୋର୍ଟ ଅନୁଯାୟୀ, ଗ୍ରାମୀଣ ଦାରିଦ୍ର୍ୟ ହାର ୨୦୧୧ ମସିହାରେ ଏହା ୨୬.୩ ପ୍ରତିଶତ ଥିଲା, ଯାହା ୨୦୧୯ରେ ୧୧.୬ ପ୍ରତିଶତକୁ ଖସି ଆସିଛି। ସହରାଞ୍ଚଳରେ ଏହା ୨୦୧୧ ମସିହାରେ ୧୪.୨ ପ୍ରତିଶତ ଥିଲା, ଯାହା ୨୦୧୯ରେ ୬.୩ ପ୍ରତିଶତକୁ ହ୍ରାସ ପାଇଛି।
